A oca multiplicadora

A Oca Multiplicadora é un xogo educativo deseñado especificamente para que o alumnado de 2º e 3º de Primaria automatice e domine as táboas de multiplicar (do 2 ao 9) dun xeito lúdico, dinámico e moi visual.

Inspirado no clásico xogo de taboleiro, esta versión dixital substitúe o avance por puro azar por un reto de cálculo mental, ideal para traballar na aula (en encerados dixitais ou tablets) ou na casa con outro compañeiro/a ou compañeiros/as. Está pensado para 2, 3 ou 4 xogadores.

O obxectivo principal é a motivación intrínseca: ser o primeiro xogador/a (ou equipo) en chegar á meta. 

Este xogo transforma a memorización das táboas nunha experiencia interactiva e gamificada. Ao asociar o erro coa necesidade de volver intentalo desde a posición anterior, redúcese a ansiedade matemática e foméntase a resiliencia e o cálculo mental rápido nun ambiente seguro e divertido.