Por que somos un país pioneiro?

• Porque se crearon numerosos organismos, a nivel estatal, como o Ministerio de Igualdade ou o Instituto da Muller e, a nivel autonómico, como a Secretaría Xeral de Igualdade ou o Instituto da Muller.  
• Porque se elaboraron numerosas leis para conseguir ese obxectivo, como a "Lei para igualdade efectiva entre mulleres e homes", a "Lei de Medidas de Protección Integral contra a Violencia de Xénero" ou a "Lei de representación paritaria e presenza equilibrada de mulleres e homes", entre outras.
• Porque se crearon xulgados especializados en tramitar casos de violencia de xénero.
• Porque se levan a cabo numerosas campañas de sensibilización para toda a poboación.
• Porque se estableceu un teléfono de axuda, a nivel estatal,  (016) e, a nivel autonómico (900 400 273) , gratuítos, confidenciais e que funcionan os 365 días do ano e as 24 horas do día.
• Porque existe unha rede de casas de acollida por todo o territorio.

Por que melloramos?

• Porque se potencia a coeducación nas aulas a través de campañas e celebracións de días sinalados, como o 25 de novembro ou o 8 de marzo.
• Porque se deu unha maior visibilidade ás mulleres na cultura: televisión, teatro, cine, literatura, artes plásticas...
• Porque as novas xeracións están máis concienciadas e son moi activas en temas de igualdade,  denunciando nas redes sociais acosos e micromachismos.
• Porque as mulleres no Congreso representan case un 50 % do total das persoas deputadas.
• Porque aumentou a taxa de emprego feminino, situándose case ao mesmo nivel ca dos homes.
• Porque se incrementou o número de mulleres en cargos directivos nas empresas privadas e, sobre todo, na Administración Pública. 
• Porque o número de mulleres que se matriculan e rematan os estudos superiores é maior que o dos homes. 

Que nos queda por facer?

• Reducir os casos de violencia de xénero, que aínda son moi elevados. 
• Reforzar a formación na prevención da violencia de xénero e na educación afectivo-sexual, sobre todo, nas persoas máis novas.
• Superar determinados estereotipos de xénero: hai máis mulleres nos estudos relacionados coa saúde (por exemplo, enfermería) ou coas humanidades (por exemplo, educación), e menos nos relacionados coas científico-tecnolóxicos (por exemplo, enxeñería).
• Eliminar  as diferenzas de salario que existen entre mulleres e homes á hora de desenvolver un mesmo oficio.
• Conseguir a paridade nos postos directivos nas grandes empresas privadas e na Administración Pública.
• Evitar que as tarefas domésticas e os coidados das persoas dependentes recaian maioritariamente nas mulleres.