Saltar navegación

4. A polo reto!

Despois de todo o traballado na fase 3, xa sabedes moito sobre distintos aspectos económicos, políticos e sociais de Galicia, de España e de Europa.

Agora estades preparados e preparadas para o reto final. Poderedes difundir as principais características da realidade económica, cultural e social da Unión Europea e do país no que vivides e facer propostas reais de desenvolvemento sostible tendo en conta o reto demográfico actual.

Imos aló! É o momento de demostrar o aprendido.

Lectura facilitada

Xa aprendestes moitas cousas na fase 3.

Agora coñecedes mellor a economía, a política e a sociedade de Galicia, de España e de Europa.

Chegou o momento do reto final.

Neste reto poderedes:

  • Explicar as principais características da Unión Europea.
  • Explicar como é o país no que vivides.
  • Dar a coñecer aspectos económicos, culturais e sociais.
  • Propoñer ideas para un desenvolvemento sostible.
  • Ter en conta os cambios na poboación, como o envellecemento ou a perda de habitantes nalgunhas zonas.


Agora é o momento de demostrar todo o que aprendestes.

Adiante!

Como podedes resolver o reto?

Pictograma preguntaCando comezastes a traballar neste REA a profesora formulouvos unha situación de partida ben concreta: 

"Formas parte dunha asociación cultural xuvenil que traballa para promover a inclusión e o respecto entre persoas de diferentes culturas. Esta asociación foi contratada por unha entidade pública europea para crear materiais didácticos e campañas de sensibilización destinados a que as persoas que chegan ao continente europeo, e en concreto a Galicia e a España, coñezan as súas principais características a nivel económico, demográfico, social e cultural."

Divididos en grupos, debedes crear propostas innovadoras de desenvolvemento económico e sostible -tendo en conta a realidade demográfica e os seus retos-, adaptadas a distintos sectores da UE, e presentalas de forma accesible para persoas que acaban de chegar a Galicia ou España. Deben ser materiais inclusivos, claros e que transmitan tanto información como ideas prácticas para mellorar a convivencia e o benestar común.

Para resolver o reto final tedes que escoller unha das actividades propostas.

Nos seguintes apartados tedes a información detallada para poder superar cada unha das opcións de reto.

Ánimo, vós podedes!

Lectura facilitada

Ao comezo deste REA, a profesora presentouvos unha situación.

Formades parte dunha asociación cultural xuvenil.

A vosa misión é crear materiais para persoas que chegan a Galicia e a España.

Estes materiais deben explicar:

  • Como é a economía.
  • Como é a poboación.
  • Como é a sociedade.
  • Como é a cultura.

Traballaredes en grupo.

Debedes crear unha proposta para mellorar o desenvolvemento económico e sostible.

A proposta debe ter en conta os retos da poboación actual.

Para completar o reto, tedes que escoller unha das actividades propostas.

Nos seguintes apartados atoparedes toda a información necesaria.

Como se avalía o voso reto

Rúbrica do reto
 ExcelenteBenAceptableNecesita mellorar
Contido e rigorExplica correctamente os sectores económicos, a demografía e as propostas sostibles; exemplos claros e relevantes. (2)Explica correctamente os sectores e propostas, pero falta algunha información ou detalle. (1.5)Explica de forma básica, con algúns erros ou falta de exemplos. (1)Información confusa, incompleta ou incorrecta (0.5)
Presentación visual e organización da informaciónProduto visual ou dixital moi atractivo, organizado e innovador; uso eficaz de cores, iconas, mapas e gráficos. (2.)Produto visual atractivo e organizado; uso adecuado de elementos visuais. (1.5)Produto pouco atractivo ou algo desorganizado; poucos recursos visuais. (1)Produto pouco atractivo, desorganizado ou sen elementos visuais. (0.5)
Comunicación oral/escritaMensaxe clara, fluída e accesible; coordinación excelente co material visual ou soporte. (2)Mensaxe comprensible; pequena falta de fluidez ou coordinación co material. (1.5)Mensaxe pouco clara; dificultade na coordinación co material visual. (1)Mensaxe confusa ou incomprensible; sen coordinación co material visual. (0.5)
Análise e interpretación do fenómeno migratorioRelaciona de forma crítica e argumentada a migración cos aspectos económicos, sociais e demográficos traballados. (2)Establece relacións correctas entre migración, economía e sociedade. (1.5)Presenta relacións básicas ou pouco desenvolvidas. (1)Non establece relacións claras ou presenta erros significativos. (0.5)
Inclusión, cidadanía e valores democráticosO produto promove o respecto á diversidade, a inclusión e os valores democráticos mediante reflexións ben fundamentadas. (2)Presenta de forma adecuada valores de respecto, inclusión e convivencia. (1.5)Menciona estes valores, pero con escasa profundidade ou xustificación (1)Non incorpora ou presenta de forma incorrecta estes valores. (0.5)

Elaboración propia (proxecto cREAgal). Rúbrica do reto (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Feito con eXeLearning (Nova xanela)