Saltar navegación

1.2. Coñecemento e inclusión

Lanzámonos a polo reto!

Persoa saltando unha trampaFormas parte dunha asociación cultural xuvenil que traballa para promover a inclusión e o respecto entre persoas de diferentes culturas. Esta asociación foi contratada por unha entidade pública europea para crear materiais didácticos e campañas de sensibilización destinados a que as persoas que chegan ao continente europeo, e en concreto a Galicia e a España, coñezan as súas principais características a nivel económico, demográfico, social e cultural.

Lectura facilitada

Formas parte dunha asociación cultural xuvenil.

Traballas para promover a inclusión e o respecto entre persoas de diferentes culturas.

Contrátavos unha entidade pública europea.

Tedes que crear materiais didácticos e campañas de sensibilización.

O traballo é para persoas que chegan ao continente europeo, a Galicia e a España.

O obxectivo é que coñezan as principais características económicas, sociais e culturais desas zonas.

Adiante!


Imaxe de xogo de enroscar En grupos ou de forma individual, deberás elaborar os seguintes produtos finais: 

  • Unha infografía informativa (síntese)
  • Un pódcast ou vídeo para interpretar relacións entre economía, sociedade e migracións.
  • Materiais de sensibilización social para difundir na contorna 

Lectura facilitada

O traballo é individual ou en grupos.

Debedes elaborar os seguintes produtos finais:

  • Unha infografía informativa.
  • Un pódcast ou vídeo:
    • O obxectivo é interpretar as relacións entre economía, sociedade e migracións.
  • Materiais de sensibilización para difundir na contorna.
     

Superado o reto


MedallaCando superes o reto serás capaz de: 

  • Obter información relevante sobre contidos de xeografía económica e humana.
  • Analizar e sintetizar a información importante.
  • Comunicar os contidos máis salientables a través de diferentes ferramentas.
  • Fomentar as actitudes de respecto e de tolerancia.
  • Potenciar a túa creatividade. 
  • Expresar ideas dun xeito coherente e razoado.

Lectura facilitada

Cando superes o reto serás capaz de:

  • Obter información sobre xeografía económica e humana.
  • Seleccionar a información máis importante.
  • Comunicar información usando diferentes ferramentas.
  • Respectar outras persoas e opinións.
  • Desenvolver a túa creatividade.
  • Expresar as túas ideas de forma clara.

Diario de aprendizaxe

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

Chegou o momento de comezar a usar o teu diario de aprendizaxe. Abre o diario e realiza as actividades correspondentes á fase 1.

É fundamental que o completes, xa que reflexionar é clave para aprender!

Podes acceder ao modelo no apartado "diario de aprendizaxe" e descargala.

Lembra:

Consulta co teu profesor ou profesora se debes cubrilo en papel ou no computador.
Se o completas no ordenador, non esquezas gardalo no teu dispositivo ao rematar.
Ánimo, seguro que o farás de marabilla!

Lectura facilitada

Chegou o momento de comezar a usar o teu diario de aprendizaxe.
Abre o diario.
Fai as actividades da fase 1.

É fundamental que o completes.
Reflexionar é clave para aprender.

Podes acceder ao modelo no apartado "diario de aprendizaxe".
Podes descargalo.

Lembra:
Consulta co teu profesor ou profesora se debes cubrilo en papel ou no computador.
Se o completas no ordenador, gárdao no teu dispositivo ao rematar.

Ánimo, seguro que o farás de marabilla.

Feito con eXeLearning (Nova xanela)