Unha sociedade máis tecnolóxica

Non se pode concibir o mundo actual sen a tecnoloxía, un proceso que comezou a principios dos anos 90 do século XX, coa aparición dos primeiros ordenadores persoais e, dez anos despois, coa difusión do uso da Internet. Na actualidade, as redes sociais, a tecnoloxía móbil 5G, a dixitalización de todos os procedementos administrativos, a domótica, o teletraballo, o uso de robots nos procesos de produción das fábricas e, ultimamente, a intelixencia artificial marcan a vida de calquera persoa.

Pero, tamén atopamos problemas derivados da tecnoloxía como:

• A fenda dixital, sobre todo nas persoas maiores ou no difícil acceso ás tecnoloxías dalgúns grupos sociais ou en determinadas zonas xeográficas. 
• Os problemas psicolóxicos derivados da adición ao uso do móbil, das redes sociais...
• O ciberacoso, é dicir, o acoso a través da Rede.
• A ciberdelincuencia, é dicir, as estafas que se levan a cabo a través da Rede. 
• As teorías negacionistas, que poñen en cuestións verdades científicas como a esfericidade da Terra, o cambio climático ou a eficacia das vacinas.

 Unha sociedade máis solidaria

Vives nunha sociedade comprometida coa consecución, a obtención e a conservación dunha serie de dereitos relacionados: 

• Coas persoas migrantes
• Co cambio climático
• Coa igualdade das mulleres
• Coas persoas que sofren as consecuencias dos conflitos bélicos
• Coas persoas do colectivo LGTBIQ+
• Cos grupos sociais máis desfavorecidos a nivel económico e social

 Unha sociedade máis democrática

A Democracia está plenamente asentada no país, con gran variedade de ideoloxías políticas, a pesar de que nalgúns países do mundo se comézase a cuestionar este modelo ou implántanse outros de carácter totalitario, onde se recortan moitos dereitos básicos. 

 Unha sociedade máis informada

En teoría vives nunha sociedade con moita información recibida a través de diferentes canles: televisión, radio, xornais, Internet... de tal maneira que é posible coñecer o que está a suceder en calquera parte do mundo en tempo real.

Pero, tamén atopamos problemas como: 

• A sobresaturación de información, que complica o seu procesamento e que fai que sexa difícil saber que é verdade ou mentira.
• As fake news, é dicir, noticias falsas que se difunden por Internet co obxectivo de crear alarma social, de enganar ou de manipular ás persoas usuarias.