A economía divídese en tres sectores:
Sector primario
O sector primario agrupa todas aquelas actividades económicas que se basean na extracción ou obtención de materias primas da natureza. Nestas actividades inclúense a pesca, a agricultura, a gandaría, a explotación forestal e a minaría.
Sector secundario
O sector secundario agrupa todas aquelas actividades económicas que se basean na produción de bens materiais ou de produtos elaborados. Nestas actividades inclúense a industria e a construción.
Sector terciario
O sector terciario agrupa todas aquelas actividades relacionadas coa distribución e a venda de bens materiais ou de servizos. Nestas actividades inclúense a sanidade, a educación, o comercio, o transporte...
Lectura facilitada
A economía divídise en tres sectores:
- O sector primario
- Agrupa as actividades baseadas na extracción ou na obtención de materias primas da natureza.
- Inclúense:
- a pesca
- a agricultura
- a gandaría
- a explotación forestal
- a minaría
- O sector secundario
- Agrupa as actividades que se basean na produción de bens materiais ou de produtos elaborados.
- Inclúense:
- a industria
- a construción
- O sector terciario
- Agrupa as actividades relacionadas coa distribución e venda de bens materiais ou de servizos.
- Inclúense:
- a sanidade
- a educación
- o comercio
- o transporte
O sector cuaternario baséase nas actividades relacionadas coa investigación e o desenvolvemento tecnolóxico, por exemplo, unha empresa de biotecnoloxía.
O sector quinario baséase nas actividades sen ánimo de lucro, por exemplo, unha ONG.