Nesta fase afondaredes para entender a vosa identidade, de onde vimos e como estamos conectados/as co resto de Europa. Precisades comprender como funcionan a economía, a poboación e os cambios sociais en Galicia, España e na Unión Europea. Só así poderedes crear materiais que realmente axuden outras persoas que chegan ao noso territorio a coñecer mellor o contorno no que van vivir.

Primeiro, achegaraste a Unión Europea e na súa economía. Descubrirás o lugar que ocupan Galicia e España dentro da economía europea.

A continuación mergullaraste nos grandes cambios demográficos e os novos modos de vida. Tamén descubrirás as políticas demográficas que se están a implementar tanto dende o punto de vista estatal como autonómico.

E para rematar, afondarás na diversidade: entenderás como é a sociedade actual, por que “canta máis variedade, mellor” e como a igualdade de xénero é unha parte fundamental desa identidade común que estamos a construír entre todas as persoas.

Esta fase axudarache a comprender mellor o mundo no que vives e a dar sentido ao reto final: crear materiais capaces de explicar de maneira clara, útil e respectuosa como funciona a economía, como evoluciona a poboación e como cambia a sociedade en Galicia, en España e na Unión Europea.