1. Cando a vida cambia de lugar

Glosario

Estado

Definición:: Segundo o dicionario da RAE, un Estado é un país soberano, recoñecido como tal na orde internacional, asentado nun territorio e dotado de órganos propios de goberno.
Exemplo:: Unha monarquía é un tipo de Estado que ten por máximo representante unha raíña ou un rei.

Globalización

Definición:: Proceso que permite que tanto os países como as persoas estean cada vez máis próximos entre si.
Exemplo:: A globalización achega ás culturas e fomenta a cooperación internacional.

Interculturalidade

Debuxo de persoas de diferentes culturas

Definición:: Proceso que fomenta a convivencia respectuosa entre persoas pertencentes a diferentes eidos culturais.
Exemplo:: A interculturalidade achega culturas e fai que aprendan unhas das outras.

Organización das Nacións Unidas (ONU)

Definición:: Organización internacional fundada despois da II Guerra Mundial e que ten como obxectivos principais manter a paz, defender os dereitos humanos e favorecer a cooperación internacional.
Exemplo:: A ONU é un organismo plurinacional que está integrado por 193 Estados.

Unión Europea (UE)

Definición:: Organización integrada por 27 países europeos que traballan xuntos para facilitar a mobilidade de persoas, bens, servizos, tecnoloxía e capitais. Tamén busca resolver problemas comúns e fomentar a cooperación en ámbitos como a educación, a cultura e a protección do medio ambiente.
Exemplo:: A UE, organización á que pertence España dende 1986, contribúe a fomentar a unidade dos países europeos.

Comeza a andaina

Preparádevos para iniciar un camiño fascinante que vos permitirá familiarizarvos con dous aspectos de grande importancia para entender o mundo no que vivimos: a globalización, que relaciona economías, culturas e sociedades, e a interculturalidade, moi relacionada coas migracións que contribúen a transformar os pobos, e que nos facilita coñecer e enriquecernos cos que son diferentes.

Debuxo no que aparece un mapa do mundo e un crebacabezas de forma esférica

Así mesmo, coñeceredes os aspectos máis determinantes da organización política dos países; as distintas clases de Estados, o papel vital que exercen institucións internacionais como a Unión Europea (UE) e a Organización das Nacións Unidas (ONU) e, para rematar, a forma na que se estrutura o Estado español tanto dende o punto de vista institucional como da súa organización territorial.

A imaxe mostra os obxectivos de desenvolvemento sostible ODS 2030

Ademais de todos os temas citados, ao longo deste REA tamén traballarás os seguintes ODS:

ODS 4: Educación de calidade
ODS 8: Traballo decente e crecemento económico
ODS 9: Industria, innovación e infraestrutura
ODS 10: Redución das desigualdades
ODS 12: Produción e consumo responsables
ODS 13: Acción polo clima

Parécevos moito? Tranquilidade, paso a paso ándanse grandes distancias. Comeza a andaina, ánimo!

Lectura facilitada

Ides iniciar un camiño novo.

Durante esa andaina

ides aprender moitas cousas sobre o mundo actual:

sobre a globalización,

sobre a interculturalidade

e sobre as migracións.

Tamén coñeceredes aspectos importantes da organización política mundial:

as distintas clases de Estados,

o papel vital que teñen algunhas institucións internacionais,

como a Unión Europea (UE)

ou a Organización das Nacións Unidas (ONU).

Para rematar,

estudaredes como se organiza o Estado español

nas institucións e tamén na súa organización territorial.

Ademais, traballaredes varios ODS.

ODS son os Obxectivos de Desenvolvemento Sostible.

Algún destes obxectivos son:

ODS 4: Educación de calidade
ODS 8: Traballo decente e crecemento económico
ODS 9: Industria, innovación e infraestrutura
ODS 10: Redución das desigualdades
ODS 12: Produción e consumo responsables
ODS 13: Acción polo clima

Comeza a andaina,

Ánimo!

Audio

Que vas aprender neste camiño?

Ao final da andaina poderás saber...

Que é a globalización, as súas causas e consecuencias.
A diferenza entre multicuturalidade e interculturalidade.
Que son os estados, os seus tipos e funcións.
Que son e como funcionan a ONU e a UE.
As características básicas da estrutura institucional de España e da súa organización territorial.

Lectura facilitada

Ao final da andaina poderás saber...

Que é a globalización.
As causas da globalización.
As consecuencias da globalización.
Que é a multicuturalidade.
Que é a interculturalidade.
Que son os estados, os seus tipos e funcións.
Que son e como funcionan a ONU e a UE.
As características básicas das institucións españolas.
A organización territorial española.

Audio

Licenciado baixo a Licenza Creative Commons Atribución Non-comercial Compartir igual 4.0