Glosario

Acotación

Definición:: Conxunto de indicacións que o autor ou autora propón para a correcta representación da obra, atendendo á escenografía, vestiario...
Exemplo:: As acotacións din que a actriz debe entrar pola dereita mentres soa a cantiga.

Equipo de imaxe

Definición:: Grupo de técnicas ou técnicos encargados do funcionamento dos dispositivos de gravación.
Exemplo:: O equipo de imaxe puxo en marcha as cámaras.

Equipo de montaxe

Definición:: Grupo de técnicas ou técnicos encargados da montaxe dos elementos necesarios para unha posta en escena concreta.
Exemplo:

O equipo de montaxe preparou no escenario o cuarto do protagonista.

Que se move detrás das cámaras? Avanzamos co reto

Detrás dun programa de televisión hai moito máis que as persoas que presentan, pois detrás das cámaras móvese o equipo de imaxe e o de montaxe, entre outros.

Xuntádevos co voso grupo, collede o caderno e chegou o momento de formular as acotacións do guión. Tede en conta que debedes atender á sección do programa que seleccionastes.

Como debe ser o vestiario? Que hai de fondo no escenario? Por onde entra cada un dos participantes? Non se pode escapar ningún detalle!

Estades preparadas e preparados?

Lectura facilitada

O TRABALLO DETRÁS DAS CÁMARAS

Nun programa de televisión non só están os presentadores.

Tamén hai moitas persoas traballando detrás das cámaras!

AGORA TOCA CREAR AS ACOTACIÓNS DUN GUIÓN!

- Xuntádevos co voso grupo.

- Collede o caderno.

- Pensade na sección do programa que escollestes.

Detalles que debedes decidir:

- Vestiario: que roupa levarán as persoas?

- Escenario: que hai no fondo? como é o ambiente?

- Entradas: por onde entra cada participante?

Nada pode quedar sen pensar! Atención a todos os detalles!

EStades preparadas e preparados? Comezamos!

3. Cámara