Igual que no mundo hai máis de 6000 linguas, en Galiza contamos cunha morea de especies animais. Se algo nos caracteriza é a diversidade na natureza. Le o seguinte artigo de Nós diario e reflexiona no teu diario de aprendizaxe sobre as que coñecías ou non, ademais, serás quen de engadir á listaxe algún outro nome?
1. Colle o teu caderno.
2. Volve ler o artigo de Nós diario.
3. Subliña as ideas máis importantes.
4. Fai un esquema con estas ideas.
5. Redacta un resumo.
Mans á obra!
Resumo:
- É unha breve representación do contido dun documento.
- Non debe ser máis dun cuarto do texto base.
- Non trates de plasmar todo o texto, quédate co importante.
- Non repitas o vocabulario empregado no texto principal.
Esquema:
- Representación dos elementos esencias dun escrito.
- Pode ser de frechas, chaves, caixas...
- Non debes empregar moitos termos en cada rama.
- Canto máis vistoso maior aprendizaxe!
En parellas, collede o voso caderno e a traballar:
1. Identifica o animal de cada imaxe.
2. Coa axuda do dicionario, procura as súas características principais: especie, alimentación, hábitos...
3. Crea unha oración con cada un deles.
Imos crear o noso propio dicionario de animais, isto é, o noso animalario. Cada un de vós tedes que crear un ser conxugando dous ou máis animais, formando así unha palabra composta. A continuación explica as súas características físicas, comportamento e alimentación e fai un debuxo del, semellante ao que tes no exemplo.
Comeza, como se vai chamar o teu ser? [Preme na imaxe para descargar]
Licenciado baixo a Licenza Creative Commons Atribución Non-comercial Compartir igual 4.0