Neste reto terás que traballar en grupos de 3-4 persoas para crear un diario ficticio no que simularedes ser a personaxe que viviu en primeira persoa a conquista de América (unha persoa exploradora, misioneira, indíxena, colona galega…). Terás que crear 5 entradas ( de entre 8 e 10 liñas cada unha), onde poñades en práctica o aprendido (formas de organización política, explotación económica, sistema de encomendas/mita, organización social).
O primeiro que debedes facer é xuntarvos en grupos de 3 ou 4 persoas.
Cada grupo debe escoller un ou unha personaxe que vivise na época da conquista de América. Pode ser:
Para realizar o reto, seguide estes pasos:
Cada diario terá 5 entradas e cada entrada terá entre 8 e 10 liñas.
Seguide esta estrutura para organizar o que escribiredes:
Repartide as 5 entradas entre as persoas do grupo.
Falade entre vós para que todas as entradas conten a mesma historia e sexan coherentes.
Poñédevos na pel da vosa personaxe. Imaxinade o que sentiría, como falaría e o que podería contar.
Usade o que aprendemos na clase sobre:
| Alto rendemento | Rendemento medio | Baixo rendemento | |
|---|---|---|---|
| Contextualización histórica | A información das entradas está ben contextualizada e inclúe referencias claras aos contidos traballados na aula. (2) | As entradas presentan algunhas referencias históricas, pero son pouco precisas ou incompletas. (1) | As entradas non inclúen información histórica relevante ou teñen erros graves. (0) |
| Creatividade e narrativa | As entradas son orixinais, están ben redactadas e conseguen transmitir as emocións e o punto de vista do ou da personaxe. (2) | As entradas son claras pero pouco orixinais ou non logran transmitir emocións. (1) | As entradas son pouco elaboradas, con escasa creatividade ou mal redactadas. (0) |
| Coherencia interna | Todas as entradas seguen unha liña narrativa lóxica e a historia é consistente ao longo do diario. (2) | A historia ten certa coherencia, pero con algúns erros ou contradicións entre entradas. (1) | A historia non é coherente, e as entradas parecen desconectadas entre si. (0) |
| Participación no grupo | Todo o grupo participou de maneira activa e contribuíu ao traballo de forma equilibrada. (2) | Houbo certa desigualdade na participación, pero case todo o grupo colaborou. (1) | O traballo foi realizado principalmente por unha ou dúas persoas do grupo. (0) |
| Uso de vocabulario clave | O diario inclúe conceptos clave (como encomenda, mita, clases sociais, cambios relixiosos, etc.) de forma adecuada. (2) | Úsanse algúns conceptos clave, pero non están completamente integrados no relato. (1) | Non se inclúen conceptos clave ou están usados de forma incorrecta. (0) |
Licenciado baixo a Licenza Creative Commons Atribución Non-comercial Compartir igual 4.0