Unha historia paralela: os pobos precolombianos e a Monarquía Hispánica
1. Un problema antigo pero actual
Glosario
Colonización
Definición:
Ocupación ou dominio dun territorio por parte dun país ou imperio con fins económicos, estratéxicos, políticos, relixiosos ou doutro tipo.
Exemplo:
Cristovo Colón iniciou a colonización do continente americano.
Monarquía
Definición:
Forma de organización dun estado no que o poder recae sobre unha persoa co título de raíña ou rei.
Exemplo:
A monarquía hispánica durante a conquista de América estaba en mans de Isabel de Castela e de Fernando de Aragón.
Precolombiano
Definición:
Termo referido ás culturas que habitaban o continente americano antes da conquista europea.
Exemplo:
Os pobos precolombianos máis importantes antes da conquista europea eran os aztecas, os maias e os incas.
Unha cuestión preocupante
Na aula, a profe leu unha serie de artigos periodísticos sobre as esixencias a España de que pida perdón pola conquista de América. En moitos países derruban estatuas de Cristovo Colón e eliminan ou negan toda pegada dese período da historia. Afirman que supuxo unha explotación económica e humana dos pobos conquistados.
O alumnado deuse conta de que non ten unha opinión formada debido á falta de información sobre que pobos había antes do "descubrimento" de Cristovo Colón e de como foi a posterior conquista.
A profe ensinou un vídeo sobre o descubrimento e a conquista de América, relacionando a historia dos pobos precolombianos e a colonización co nacemento e consolidación da Monarquía Hispánica. Na actualidade os intercambios culturais entre as persoas protagonistas da colonización continúan. A profe comentou que se debe analizar o descubrimento de América e como mudou a vida dos pobos conquistados.
O coñecemento desta parte da historia axudará a entender os aspectos negativos e positivos da conquista e a configuración actual do continente sudamericano e de España, ademais de contribuír a conseguir determinadas metas dos ODS 2030, -Saúde e benestar (obxectivo 3)-, -Educación de calidade (obxectivo 4)-, -Igualdade de xénero (obxectivo 5), -Redución das desigualdades (obxectivo 10)-, -Paz, xustiza e institucións sólidas (obxectivo 16).
Xa tes algo de información sobre o tema que vai ser obxecto de discusión e do que terás que elaborar unha serie de materiais para reflexionar sobre o mesmo dende diferentes puntos de vista.
Lectura facilitada
A profe leu unha serie de artigos periodísticos sobre as exixencias a España de que pida perdón pola conquista de América.
En moitos países derruban estatuas de Cristovo Colón e eliminan ou negan toda pegada dese período da historia.
Afirman que supuxo unha explotación económica e humana dos pobos conquistados.
O alumnado non ten unha opinión formada pola falta de información sobre o descubrimento e da posterior conquista.
A profe puxo un vídeo sobre o descubrimento e a conquista de América.
Relaciónanse a historia dos pobos precolombianos e a colonización co nacemento e consolidación da Monarquía Hispánica.
Os intercambios culturais entre as persoas protagonistas da colonización continúan na actualidade.
É importante analizar o descubrimento e como mudou a vida dos pobos conquistados.
O coñecemento desta parte da historia axuda a:
Entender os aspectos negativos e positivos da conquista.
Entender a configuración actual do continente americano e de España.
Conseguir determinadas metas dos ODS:
Saúde e benestar.
Educación de calidade.
Igualdade de xénero.
Redución de desigualdades.
Paz, xustiza e institucións sólidas.
Tes información sobre o tema que vai ser obxecto de discusión.
Terás que elaborar materiais e reflexionar sobre o tema.
Audio
Que aprenderás a facer nesta unidade?
Coñecer a riqueza cultural dos diferentes pobos precolombianos.
Coñecer o nacemento e desenvolvemento da Monarquía Hispánica.
Identificar as diferentes etapas da colonización do Novo Mundo.
Descubrir a importancia da mestura de diferentes culturas.
Identificar os aspectos negativos e positivos da colonización.
Analizar o papel da muller nos pobos precolombianos e na Monarquía Hispánica.
Lectura facilitada
Que aprenderás nesta unidade?:
Coñecer a riqueza cultural dos diferentes pobos precolombianos.
Coñecer o nacemento e desenvolvemento da Monarquía Hispánica.
Identificar as diferentes etapas da colonización do Novo Mundo.
Descubrir a importancia da mestura de diferentes culturas.
Identificar os aspectos negativos e positivos da colonización.
Analizar o papel da muller nos pobos precolombianos e na Monarquía Hispánica.
