Obxectivo
- Compartir o que aprendestes nos diferentes retos para reflexionar conxuntamente sobre a conquista de América e as súas consecuencias.
Unha historia paralela: os pobos precolombianos e a Monarquía Hispánica
4.2. Damos a coñecer os nosos coñecementos
Organización e preparación
Seguide estes pasos para realizar a actividade final de posta en común dos traballos realizados:
1. Formamos grupos mesturados
Ides formar grupos de 4-5 persoas. Nos grupos haberá persoas que fixestes os diferentes retos:
- O xuízo sobre a conquista.
- O diario ficticio.
- A análise de textos históricos.
2. Posta en común no grupo
Dentro do grupo, cada persoa ten que contar brevemente o traballo que fixo:
- Se fixeches o diario ficticio: Que personaxe creaches? Como vivía a conquista? Que reflexionaches sobre a súa experiencia?
- Se participaches no xuízo: Defendías ou acusabas? Que argumentos che pareceron máis interesantes? Cambiou a túa opinión despois do debate?
- Se analizaches textos históricos: Que autor che impresionou máis? Que ideas sobre a conquista destacaches? Algún texto che fixo reflexionar especialmente?
Logo, como grupo, reflexionade sobre estas preguntas:
- Que ideas teñen en común os retos?
- Que cousas novas ou sorprendentes aprendemos?
- Que relacións podemos facer coa actualidade?
3. Posta en común coa clase
Escolleredes unha persoa do grupo para explicar á clase:
- As ideas ou conclusións máis importantes que falastes no grupo.
- Algún dato ou reflexión que vos chamou a atención.
Diario de aprendizaxe
Unha vez terminada esta fase, toca reflexionar sobre o teu traballo individual no proceso de elaboración do reto.
Para axudarte nesta tarefa, cubre a fase 4 do teu diario de aprendizaxe.
Licenciado baixo a Licenza Creative Commons Atribución Non-comercial Compartir igual 4.0