Saltar navegación

Reto 3: Unha obra de teatro histórica

Que temos que facer?

Pictograma dunha Reunión de persoas

Crear e representar unha pequena obra de teatro que conte os feitos e as ideas principais do apartado do tema que vos tocou. A escena pode incluír personaxes históricos, situacións reais ou inventadas baseadas en feitos reais, pero sempre con rigor histórico.

Lectura facilitada

Hai que facer unha pequena obra de teatro.

A obra trata sobre o tema que vos tocou.

  • Debe incluír:
     – Feitos importantes do tema
     – Ideas principais
  • Os personaxes poden ser:
     – Personaxes históricos reais
     – Personaxes inventados, baseados en feitos reais
  • A historia pode ser:
     – Unha situación real
     – Unha situación inventada, pero baseada na realidade
  • Todo o que se conte debe ser correcto segundo a historia.

Obxectivos

Pictograma de obxectivos

  • Comprender mellor o contexto histórico e os cambios do momento.
  • Explicar o voso apartado dunha forma creativa e entretida.
  • Transmitir o coñecemento histórico de maneira clara, oral e escenificada.
  • Desenvolver habilidades de expresión oral, escrita e corporal.

Lectura facilitada

  • Comprender mellor o contexto histórico e os cambios da época.
  • Explicar o voso tema de forma creativa e entretida.
  • Transmitir o coñecemento histórico de maneira clara, tanto oral como escenificada.
  • Desenvolver habilidades de expresión oral, escrita e corporal.

Organización e preparación

  1. Repartide os roles do grupo: guionistas, actores/actrices, escenografía, dirección…
  2. Investigade a información que necesitades segundo as palabras clave.
  3. Escribide o guión con diálogos sinxelos, pero que transmitan as ideas principais.
  4. Preparade a posta en escena: vestiario, obxectos, espazo, etc.
  5. Podédeslle dar un toque cómico, dramático ou de intriga… pero sempre histórico!

Lectura facilitada

1. Repartide os roles do grupo:

  • Quen serán os guionistas?
  • Quen actuarán?
  • Quen se encargará da escenografía?
  • Quen será o director ou directora?

2. Investigade a información segundo as palabras clave que vos deron.

3. Escribide o guión:

4. Usade diálogos sinxelos que transmitan as ideas principais.

5. Preparade a posta en escena:

  • Vestiario
  • Obxectos
  • Espazo onde se fará a obra
  • Creatividade:

Podedes darlle un toque cómico, dramático ou de intriga...
Pero sempre mantendo o rigor histórico.

Como se avalía a obra?

Rúbrica da obra (6x3)
 Rendemento altoRendemento medioRendemento baixo
Contido histórico (40%)A obra inclúe con claridade os feitos e ideas principais do tema. Todo é rigoroso. (12)Inclúe a maior parte dos contidos, con algunhas imprecisións. (8)Faltan contidos importantes ou hai erros históricos. (4)
Uso de palabras clave (10%)As palabras clave están ben integradas no guión e son explicadas. (3)Menciónanse, pero sen profundidade ou explicación. (2)Non aparecen ou non teñen sentido no contexto. (1)
Guión e estrutura da escena (15%)A escena está ben organizada, con introdución, desenvolvemento e final claros. (4,5)Ten unha estrutura comprensible, aínda que algo desordenada. (3)A escena non ten fío condutor ou é difícil de seguir. (1,5)
Creatividade e posta en escena (15%)A obra é orixinal, visualmente coidada e resulta entretida. (4,5)Hai algún detalle creativo, pero pouco desenvolvido. (3)Faltan elementos creativos e coidado visual. (1,5)
Expresión oral e interpretación (10%)Falan con claridade, vocalización e entoación. Boa interpretación. (3)Ás veces custa entender, ou a actuación é pouco expresiva. (2)Non se entende ben ou non hai interpretación. (1)
Traballo en equipo e participación (10%)Todo o grupo participa de forma equilibrada e colaborativa. (3)A maioría colabora, aínda que algún membro queda en segundo plano. Só unhas poucas persoas (2)Só unhas poucas persoas participan activamente. (1)

Elaboración propia (proxecto cREAgal). Rúbrica da obra (6x3) (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Feito con eXeLearning (Nova xanela)