Saltar navegación

Reto 1: Unha entrevista histórica

Que temos que facer?

Pictograma dunha Reunión de persoas

Vós sodes periodistas do presente que conseguiron unha viaxe ao pasado para falar cunha persoa histórica ou ficticia da época que vos tocou traballar. Teredes que preparar unha entrevista na que esa persoa conte o que viviu, que ideas tiña e como eran os cambios que estaba a vivir.

A entrevista pode ser:

  • Gravada en vídeo.
  • Representada diante da clase.

Lectura facilitada

Sodes xornalistas do presente.
Conseguistes viaxar ao pasado.
Alí falaredes cunha persoa histórica ou ficticia da época que vos tocou traballar.

Debedes preparar unha entrevista.
Nela, a persoa contará:

  • O que viviu.
  • As ideas que tiña.
  • Como foron os cambios que estaba a vivir.

A entrevista pode ser:

  • Gravada en vídeo.
  • Representada diante da clase.

Obxectivo

  • Pictograma de obxectivosRecuperar a información histórica do voso tema.
  • Contala dunha forma clara e interesante, como se fose real.
  • Coñecer como pensaban e sentían as persoas desa época.
  • Usar as palabras clave e a información aprendida para combater as trolas ou loiadas do reto.

Lectura facilitada

  • Recuperar a información histórica do voso tema.
  • Contala dunha forma clara e interesante, como se fose real.
  • Coñecer como pensaban e sentían as persoas desa época.
  • Usar as palabras clave e a información aprendida para combater as trolas ou loiadas do reto.

Organización e preparación

  1. Repartídevos os roles dentro do grupo: quen será a persoa entrevistada? Quen fará as preguntas? Quen axuda coa documentación ou gravación?
  2. Investigade o tema, usando os textos e materiais da aula.
  3. Preparade o guión da entrevista: escribide as preguntas e pensade que respondería a persoa entrevistada.
  4. Ensaiade ou redactade, segundo o formato escollido.
  5. Se queredes facer un vídeo ou representar en directo, podedes usar vestiario ou atrezzo (pero non é obrigatorio).

Lectura facilitada

1. Repartídevos os roles:

  • Quen será a persoa entrevistada?
  • Quen fará as preguntas?
  • Quen axudará coa documentación ou gravación?

2. Investigade o tema cos materiais da aula.


3. Preparade o guión da entrevista:

  •  Escribide as preguntas e as respostas.

4. Ensaiade ou redactade, segundo o formato escollido.


5. Se facedes un vídeo ou representación en directo, podedes usar vestiario ou atrezzo (non é obrigatorio).

Como se avalía a entrevista?

Rúbrica da entrevista (4x3)
 Rendemento altoRendemento medioRendemento baixo
Contido histórico (50%)A entrevista presenta moita información, ben explicada e relacionada co tema. Hai rigor histórico e comprensión clara dos feitos. (15)Hai información relevante pero algo incompleta ou pouco clara. Algunhas ideas poden estar mal explicadas. (10)Fáltalle información importante, hai erros ou confusións. Non se comprende ben o tema. (5)
Uso das palabras clave e vocabulario (10%)Utilízanse correctamente as palabras clave e un vocabulario axeitado ao contexto histórico. (3)Menciónanse algunhas palabras clave, pero non se usan ben ou faltan outras importantes. (2)Non se usan as palabras clave ou o vocabulario histórico non é correcto. (1)
Creatividade e adaptación á época (20%)A entrevista está ben ambientada, parece realista e orixinal. A persoa entrevistada fala e pensa como alguén da época. (6)A entrevista ten algún elemento creativo, pero podería estar mellor adaptada á época. (4)A entrevista é pouco orixinal ou non se percibe a ambientación histórica. (2)
Traballo en equipo e organización (20%)O grupo colaborou moi ben. A entrevista está ben preparada, organizada e repartida entre todas as persoas. (6)O grupo colaborou, aínda que houbo algunhas dificultades na organización ou reparto de tarefas. (4)O grupo non colaborou ben ou non se ve unha organización clara. (2)

Elaboración propia (proxecto cREAgal). Rúbrica da entrevista (4x3) (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Feito con eXeLearning (Nova xanela)