Saltar navegación

1.1. O mundo cambia

Reflexionando!

Como viches anteriormente, o mundo cambiou grazas aos diversos inventos e descubrimentos que levou ao ser humano a nivel económico, social, científico, xeográfico... No teu diario de aprendizaxe anotarás as túas reflexións e novos coñecementos que vaias adquirindo durante esta pequena "viaxe". 

Para que te fagas unha idea de como determinados inventos axudaron ao avance das sociedades humanas, deixámosche un vídeo que fala da importancia que tivo a roda. 

Lectura facilitada

O mundo cambiou grazas aos inventos do ser humano.

Os cambios foron a nivel económico, social, científico ou xeográfico.

No teu diario de aprendizaxe anotarás:

  • As túas reflexións
  • Novos coñecementos

Verás un vídeo de como determinados inventos axudaron no avance das sociedades humanas.

O vídeo trata sobre a invención da roda.

Diario de aprendizaxe

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

Chegou o momento de comezar a usar o teu diario de aprendizaxe. Vai á páxina do diario e realiza as actividades correspondentes á fase 1.

É fundamental que o completes, xa que reflexionar é clave para aprender!

Podes acceder á plantilla no apartado diario de aprendizaxe e descargala.

Lembra:

Consulta co teu profesor ou profesora se debes cubrila en papel ou no computador.
Se a completas no ordenador, non esquezas gardala no teu dispositivo ao rematar.
Ánimo, seguro que o farás de marabilla!

Lectura facilitada

É hora de comezar o teu diario de aprendizaxe.

Vai á páxina do diario e fai as actividades da fase 1.

É importante facelo porque pensar no que aprendes axúdache a aprender mellor.

Descarga a plantilla no apartado diario de aprendizaxe.

Pregunta ao teu profesor ou á túa profesora se o tes que facer en papel ou no ordenador.

Se o fas no ordenador, gárdao cando acabes.

Ánimo, vaiche saír moi ben.

Feito con eXeLearning (Nova xanela)