Reto 2: Un xornal ilustrado

Que temos que facer?

Imos crear un xornal ilustrado ambientado na época do Humanismo e os cambios que trouxo. Cada grupo elaborará unha ou varias páxinas dun xornal con noticias, entrevistas, opinións, ilustracións ou anuncios relacionados co apartado que lle toque, coma se fosen auténticas persoas dese tempo. A creatividade será clave!

Lectura facilitada

O xornal será sobre a época do Humanismo e os cambios que trouxo.

Cada grupo fará unha ou varias páxinas coas seguintes cousas:

Noticias
Entrevistas
Opinións
Ilustracións
Anuncios

Todo isto relacionado co tema que vos toque.
A creatividade será moi importante!

Audio

Obxectivos

Pictograma de obxectivos

Recoñecer os feitos e ideas principais do apartado traballado.
Explicar os cambios históricos dunha maneira clara e creativa.
Utilizar a información histórica para simular un medio de comunicación da época.
Empregar correctamente o vocabulario específico e as palabras clave.
Traballar en equipo de forma organizada e cooperativa.
Representar visualmente a información a través de ilustracións e deseño.

Lectura facilitada

Recoñecer os feitos e as ideas principais do tema que traballastes.
Explicar os cambios históricos de forma clara e creativa.
Usar a información histórica para simular un medio de comunicación da época.
Empregar o vocabulario específico e as palabras clave correctamente.
Traballar en equipo de maneira organizada e cooperativa.
Representar a información de forma visual, con ilustracións e deseño.

Audio

Organización e preparación

Cada grupo recibirá 5 palabras clave que serven de guía para reconstruír o coñecemento perdido.
Repartide as tarefas: quen investiga, quen redacta, quen ilustra, quen maqueta, etc.
O xornal debe incluír:

Noticia principal
Entrevista a unha persoa histórica
Opinión (coma un artigo de reflexión)
Ilustracións ou caricaturas
Anuncios da época

Pode facerse en papel ou dixital, pero debe parecer un xornal da época.

Lectura facilitada

Cada grupo recibirá 5 palabras clave.
Estas palabras servirán de guía para reconstruír o coñecemento perdido.

Repartide as tarefas:

Quen investigará?
Quen redactará?
Quen ilustra?
Quen maqueta o xornal?

O xornal debe incluir:

Noticia principal
Entrevista a unha persoa histórica
Opinión (un artigo de reflexión)
Ilustracións ou caricaturas
Anuncios da época

Formato:
Pode ser en papel ou dixital, pero debe parecer un xornal da época.

Audio

Como se avalía o xornal?

Rúbrica do xornal (4x3)
	Rendemento alto	Rendemento medio	Rendemento baixo
Contido histórico (50%)	As seccións do xornal reflicten ben os feitos históricos e están ben explicadas. Hai rigor e conexión co tema traballado. (15)	O contido é axeitado pero podería estar mellor organizado ou máis completo. (10)	O contido é superficial ou ten erros históricos importantes. (5)
Uso de palabras clave e vocabulario (10%)	As palabras clave están ben integradas e usouse un vocabulario histórico adecuado. (3)	Hai palabras clave, pero algunhas non se usan ben ou non todas aparecen. (2)	Non se recoñecen ben as palabras clave ou o vocabulario non é apropiado. (1)
Creatividade e deseño (20%)	O xornal é visualmente atractivo, con deseño coidado, ilustracións orixinais e bo uso da estética da época. (6)	Hai un intento de deseño e ilustración, pero podería estar máis coidado ou contextualizado. (4)	O xornal ten pouco deseño, é difícil de ler ou non reflicte a época. (2)
Traballo en equipo e organización (20%)	O grupo colaborou moi ben. O traballo está ben repartido e coordinado. (6)	O grupo colaborou, aínda que con algunhas dificultades de reparto ou organización. (4)	O grupo non colaborou ben ou o resultado mostra falta de coordinación. (2)

Elaboración propia (proxecto cREAgal). Rúbrica do xornal (4x3) (CC BY-NC-SA)

Actividade
Nome
Data
Puntuación
Notas
Reiniciar
Imprimir
Aplicar
Nova xanela

Licenciado baixo a Licenza Creative Commons Atribución Non-comercial Compartir igual 4.0