Esta tarefa ten como obxectivo explorar como son os textos expositivos tradicionais e comparalos cos textos creados por intelixencia artificial. Vamos a traballar en parellas e logo en grupos completos para identificar semellanzas e diferenzas entre ambos tipos de textos.

Instrucións:

1. Fase individual (2 minutos): Pensa nas características principais dun texto expositivo tradicional. Escríbeas nunha lista rápida no teu caderno ou folio persoal.
2. Fase en parella (5 minutos): Comparte a túa lista co teu compañeiro/a. Xuntos/as crearemos unha lista combinada incluíndo todas as ideas relevantes. Asegúrate de eliminar duplicados.
3. Fase en grupo (10 minutos): Xunto coas outras dúas persoas do voso grupo, comparade as listas das dúas parellas. Discutide as semellanzas e diferenzas entre os textos expositivos tradicionais e os xerados por IA. Usando un cadro comparativo proporcionado polo docente, rexistrade estas observacións.

• Nuha columna, anota as características comúns.
• Noutra, anota as diferenzas específicas.

Ao finalizar, revisade o voso cadro comparativo para asegurarvos de que está completo e claro.

Rexistro:
Cada grupo entregará un cadro comparativo que reflicta as súas conclusións sobre as semellanzas e diferenzas entre ambos tipos de textos. Este documento permitiranos avaliar que conceptos tedes sobre o tema.

Nesta actividade, imos crear un mapa conceptual colectivo sobre o que sabedes sobre os textos xerados por intelixencia artificial (IA). Cada grupo recibirá unha folla grande e catro marcadores de cores diferentes, un para cada integrante. O obxectivo é escribir ideas ou palabras asociadas a "textos xerados por IA".

Instrucións:

1. Cando o docente dea a sinal, comezaredes a escribir en turnos estritos. Cada persoa escribirá unha soa palabra ou frase curta relacionada co tema.
2. Despois de escribir, pasarás o marcador ao compañeiro da túa dereita. Este proceso repetirase ata que se acabe o tempo ou non xurdan novas ideas.
3. Importante: Non repitas ideas xa escritas polos teus compañeiros. Se non tes nada novo que engadir, pasa directamente o marcador.
4. Ao finalizar, teredes un mapa conceptual grupal con contribucións de todos os membros.

O resultado será un mapa conceptual visible onde cada cor representa as ideas dun membro do grupo. Este rexistro servirá para analizar máis tarde que coñecementos previos tiñades sobre o tema.