Retroalimentación

Cuestión 1. Un adolescente de 14 anos necesita, de media, unhas 2.200 kcal diarias para manter unha alimentación saudable.

Calcula en que porcentaxe supera ou está por debaixo da recomendación cada un dos adolescentes que se estudan. 

Cuestión 2. No instituto de educación secundaria destes adolescentes fixeron unha enquisa sobre os hábitos alimentarios. Estes foron os resultados sobre o consumo de froitas e verduras diarias:

Menos de 1 ración diaria: 180 alumnos
Entre 1 e 2 racións diarias: 240 alumnos
Máis de 2 racións diarias: 180 alumnos

Calcula as porcentaxes de cada grupo sobre o total de alumnos.
Representa os datos cun diagrama de sectores ou de barras.
Que conclusións podes extraer sobre os hábitos alimentarios?

Cuestión 3. Ao departamento de nutrición chegou unha mostra dun paquete de cereais, que consumen gran parte dos adolescentes. Observa a seguinte información dunha etiqueta dun paquete de cereais por cada 100 gramos:

Enerxía: 380 kcal
Graxas totais: 5 g
Hidratos de carbono: 78 g
Azucres: 25 g
Fibra: 7 g
Proteínas: 6 g
Sal: 0,8 g

Se almorzan 60 gramos destes cereais, canta enerxía están a consumir?
Cantos gramos de azucre consomen con esa cantidade?
Se un adolescente non debe superar os 50 g de azucres ao día, que porcentaxe do total diario representan os azucres deste almorzo?
Consideras que este é un almorzo saudable? Por que?

Cuestión 4. 
Comparando os resultados, cres que a maioría dos alumnos seguen unha dieta equilibrada?
Que cambios poderían facer Marcos e Andrea para mellorar os seus hábitos alimentarios?

Retroalimentación

Cuestión 1.

Un adolescente de 14 anos necesita 2.200 kcal diarias. Compararemos co consumo medio de Marcos e Andrea:

Marcos, ten un consumo medio de 2.700 kcal. 
Supera a recomendación nunha porcentaxe de:

\((2.700−2.200)/2200×100=22,73 %\) 
Supera en 22,73%

Andrea:

Andrea ten un consumo medio de 1.800 kcal.
Está por debaixo da recomendación nunha porcentaxe de:

\((2.200−1.800)/2.200×100=18,18 %\)
Está un 18,18% por debaixo

Cuestión 2
O total de alumnos é:

180+240+180=600 alumnos

Menos de 1 ración diaria: (180/600)×100=30%
Entre 1 e 2 racións diarias: (240/600)×100=40%
Máis de 2 racións diarias: (180/600)×100=30%

Representando nunha gráfica de sectores:

Só o 30% dos alumnos consomen máis de 2 racións diarias, o recomendado.
O 70% consome menos do necesario, o que pode afectar a súa saúde a longo prazo.

Cuestión 3
Se almorzan 60 gramos de cereais, a cantidade de enerxía que lle aportan calcúlase como: 

380/100×60=228 kcal 
Sabendo que en 100 g de cereais hai 25 gramos de azucre, ao inxerir 60 g de cereais estarán consumindo: 

25/100×60=15 g de azucre

Sabendo que a cantidade máxima diaria de azucre é de 50g, a cantidade de azucre que lle aportan os cereais supón: 
(15/50)×100=30%

Este almorzo non é saudable, xa que contén un 30% do máximo de azucre diario só en cereais.


Cuestión 4
A maioría dos alumnos non segue unha dieta equilibrada, porque o 70% consome menos de 2 racións de froitas e verduras diarias.
Os cereais que consumen teñen moito azucre, o que pode levar a problemas de saúde.

Marcos debería reducir a comida rápida e engadir máis vexetais e proteínas saudables.
Andrea debería aumentar un pouco a súa inxesta calórica con máis proteínas e graxas saudables (froitos secos, aceite de oliva).