Actividade: Emerxencia en Urxencias: Analizando o caso de Mario".

Materiais Necesarios:

• Calculadora ou Folla para realizar os cálculos matemáticos
• OU folla de cálculo e ferramentas dixitais matemáticas. 
• Acceso a internet.

Introdución da tarefa: Emerxencia en urxencias

Nesta semana, remataredes a formación na Unidade de Prevención de Adiccións cunha rotación en Emerxencias. Como profesionais en formación, analizarás os efectos do consumo de drogas en Mario, identificarás os trastornos asociados e proporás recomendacións para a súa recuperación. Tamén aplicarás cálculos para entender mellor como a cocaína permanece no corpo e investigarás mitos sobre esta substancia. O teu obxectivo será comprender os riscos do consumo de drogas e colaborar na busca de solucións para mellorar a saúde dos pacientes.   Mario, un mozo de 25 anos, foi atopado nun parque en estado de desorientación e nerviosismo. Presentaba tremores, suoración excesiva e unha grande axitación. Ao ser atendido nas urxencias, observouse que tiña dificultade para manter a calma, xiraba os ollos de maneira inusual e parecía non recoñecer o lugar onde estaba. Durante a exploración médica, confirmouse que Mario leva dous anos consumindo cocaína, aumentando progresivamente a dose ata converterse nun hábito diario. Agora, tras unha redución brusca do consumo, está sufrindo os efectos do síndrome de abstinencia.

Actividades e tarefas para resolver: 

Actividade 1. Analiza a situación de Mario e indica que compoñentes da súa saúde (física, mental e social) se ven afectadas.

Actividade 2. Que tipo de trastorno provoca a situación de Mario? Xustifica por que se trata dun caso de tolerancia, abuso, dependencia, ou síndrome de abstinencia.

Actividade 3. Despois de estabilizar a Mario, que hábitos saudables lle recomendarías para mellorar a súa situación a longo prazo? Expón ao menos tres.

Actividade 4. A cocaína permanece no corpo durante un período determinado antes de ser eliminada. Supón que o corpo de Mario elimina 10% da cocaína cada hora. Se Mario consumira 0,5 gramos de cocaína, cantos gramos quedan no seu corpo despois de 5 horas?

Actividade 5. Supón que, no caso de Mario, a súa presión arterial antes de consumir cocaína era de 120/80 mmHg. Despois da abstinencia, ao reducir de forma brusca o seu consumo, a súa tensión reduciuse un 30%. Cal sería a súa nova presión arterial?

 Actividade 6. Un estudo realizado no HospiVital revelou que no último ano, o 5% da poboación adolescente comezou a consumir drogas. Se na cidade hai 1.500 adolescentes, canto é o número estimado de novos consumidores de drogas no último ano?

Actividade 7.  Segundo as estatísticas do HospiVital, o 20% dos pacientes que chegan á Unidade de Urxencias debido ao consumo de cocaína experimentan complicacións graves. Se o hospital atendeu a 50 pacientes con sobredose de cocaína nesta semana, cantos pacientes, aproximadamente, experimentarán complicacións graves?

Actividade 8.  Accede ao portal do Plan Nacional sobre Drogas en "Información sobre drogas e outras condutas aditivas" na pestana cidadáns. Localiza a substancia relacionada coa situación de Mario e elabora un resumo sobre os riscos e efectos desta droga. Sigue as pautas que se mostran máis abaixo para realizar un bo resumo.

Actividade 9. Accede ao portal do Plan Nacional sobre Drogas en "Información sobre drogas e outras condutas aditivas" na pestana cidadáns. Busca tres mitos frecuentes sobre a cocaína  e selecciona aqueles que ti pensabas que eran verdadeiros. Explica por que estes mitos non son correctos.

 

Avaliación da actividade. 

• Interpretación correcta dos datos e da información.
• Organización adecuada da información no resumo.
• Propostas razoables de hábitos saudables.
• Resolución de cuestións sobre bioloxía. 

Esta tarefa será avaliada mediante unha lista de cotexo e pondera o 30% na nota correspondente a esta unidade didáctica. 

Na aula virtual, na sección corresponte á entrega da tarefa, poderás ver a lista de cotexo coa que se avaliará a actividade. 

Formato de entrega da actividade. 

• Un único arquivo. 
• Entregar en formato pdf. 
• Nomear o arquivo como ApelidosNome-Emerxencia.pdf. (Exemplo: GarciaGonzalezMatias-Emerxencia.pdf)