Exercicio 1.  Responde de forma breve, antes de completar a táboa: 

• Que hábitos saudables xa segues na túa vida diaria? 
• Que hábitos saudables cres que debes mellorar? Por que?
• Que consellos lle darías a un amigo ou amiga para que coide mellor a súa saúde? 
• Despois de reflexionar, elabora unha táboa con accións que podes realizar durante unha semana para mellorar a túa saúde. 

Aquí tes un exemplo:

Exercicio 2. Inventa un reto de 7 días para mellorar un aspecto da saúde. Por exemplo:

• Reto do sono: Deitarse sempre á mesma hora durante unha semana.
• Reto tecnolóxico: Non usar pantallas 1 hora antes de durmir.
• Reto do movemento: Facer polo menos 10.000 pasos ao día.
• Reto das emocións: Practicar 5 minutos de respiración cada día.

Para crear o reto, sigue as seguintes pautas:

• Define o obxectivo do reto.
• Explica por que é importante.
• Fai unha lista de accións para completalo.
• Anota como te sentes cada día do reto.
• Ao rematar o reto, reflexiona sobre os resultados, respondendo a preguntas como: que hábito foi mais dificil de manter? que cambio che fixo sentir mellor?  que estratexias podes seguir para mellorar a túa rutina?

Exercicio 3. Imaxina que un amigo/a está tendo problemas con algún destes hábitos saudables. Escribe unha pequena carta dándolle consellos para mellorar.

Aquí tes algunhas pautas para axudarche a redactar a túa pequena carta:

• Usa un ton amable e motivador.
• Inclúe polo menos tres consellos prácticos.
• Remata a carta cunha mensaxe de apoio.

Aquí tes dous posibles exemplos para traballar, se queres:

Afonso é un rapaz que dorme mal e por iso está moi canso.	Clara é unha rapaza que se sinte soa e triste.
Exemplo de inicio: Ola Afonso, sei que ultimamente tes dificultades para durmir ben e sentes moito cansazo. Gustaríame darche algúns consellos que poden axudarche…	Exemplo de inicio: Ola Clara, sei que ultimamente estás triste e sínteste soa. Gustaríame darche algúns consellos que poden axudarche…

I