Este é un traballo en equipo do grupo-clase.

O obxectivo é organizar un torneo por equipos de Voleibol.

Estes son os pasos a seguir para facer o proxecto:

• Facer equipos mixtos de mínimo 6 e máximo 8 xogadoras e xogadores.
• Cada equipo ten que escoller unha capitá e un capitán.
• Poñer un nome ao equipo.
• As capitás e os capitáns dos equipos que non están xogando, serán árbitras/os.
  • NOTA: Tamén poden escoller a outra persoa do seu equipo para arbitrar.
    
• Cada equipo ten que xogar contra todos os outros equipos na clase.
• Xógase ao mellor de 3 sets. O equipo que gañe 2 sets, será o gañador.
• Cada set rematará cando un equipo chegue a 25 puntos cunha diferenza mínima de 2.
  • NOTA: No set definitivo será a 15 puntos cunha diferenza mínima de 2.
• As/os capitás/áns teñen que apuntar o resultado final de cada partido e aquelas incidencias que lles parezan relevantes.
• O respecto ao regulamento do xogo (ver a infografía co resumo das regras) é obrigatorio.
• Calquera dúbida durante os partidos, será consultada a quen arbitra ou ben ao/á profesor/a.

Boa sorte e a xogar!