Existen máis normas e accións que é necesario que coñezas para xogar a Pinfuvote.
Deste xeito, o xogo será:
fluído, sen interrupcións constantes;
entretido, desfrutando de cada xogada;
sen discusións, polo coñecemento e respecto das normas;
educativo, practicando habilidades adquiridas noutros deportes ás peculiaridades do Pinfuvote.
Para coñecer en que consiste cada acción e norma, preme nos botóns que aparecen de seguido.
Podes seguir o audio lendo o texto que está na columna da dereita.
Imos aló!
Un equipo ten dereito a un máximo de 3 toques para devolver o balón ao campo contrario.
Se dá máis de 3 toques, é falta. Sería punto e saque para o outro equipo.
O balón pode botar unha vez antes de ser golpeado por un xogador ou xogadora.
Se bota dúas veces ou máis, é punto e saque para o equipo contrario.
Cando o equipo que está sacando anota 3 puntos consecutivos (tamén se fai un TRIPIN), hai cambio na persoa que saca e cambio de zona nos dous equipos. Quen está na zona dianteira pasa á traseira e viceversa.
A nova persoa que saca é do equipo que puntuou, seguindo a orde establecida no saque ao comezo do set.
Como norma xeral, no saque o balón non pode tocar a rede.
Se no primeiro saque o balón toca a rede e pasa ao lado contrario, hai un segundo saque ("media").
Se no segundo saque sucede o mesmo, é punto e saque para o equipo contrario.
Xógase cando os dous equipos gañaron o mesmo número de sets.
Gañará o set definitivo o equipo que consiga 15 puntos, cunha diferenza mínima de 2.
As substitucións son ilimitadas.
Realízanse coa autorización de quen arbitra e cando o xogo está parado.
Quen entra ten que facelo polo centro do campo, perto da rede e ten que agardar a que saia a quen vai substituír.
Un equipo ten dereito a un máximo de tres golpes e tres botes, un entre cada golpe, para devolver o balón ao campo contrario.
Cando 3 persoas dun mesmo equipo participan nunha xogada e golpean o balón cada unha cunha parte distinta (por exemplo, man, pé e cabeza) e gañan a xogada, ese equipo anota 3 puntos.
Despois dun TRIPIN cambian de zona nos dous equipos e saca o seguinte xogador ou xogadora que lle corresponda do equipo que puntuou.
