• O Pinfuvote, é un deporte alternativo de equipo de cancha dividida. Fusiona algunhas normas do PINg-pong, FÚtbol, VOleibol e TEnis.
• Ten a súa orixe nun colexio de primaria da provincia de Sevilla, onde Juan Lorenzo Roca Brines, mestre de Educación Física, comezou a introducir algunhas adaptacións ao voleibol, para integrar a todo o alumnado, independentemente das súas habilidades. Por exemplo, permitir que o balón botara antes de golpealo, baixar a altura da rede, sacar máis cerca da rede...
  
  • Dende o ano 2009 o Pinfuvote está rexistrado na Propiedade Intelectual da Junta de Andalucía.
• Para xogar empregamos un balón esférico, brando (de gomaespuma ou similar), dunha circunferencia aproximada de 60-70 centímetros e que permita o bote sen dificultade
• O espazo de xogo é rectangular e está dividido na metade por unha rede de 1,07 metros.
  
  • As medidas do campo dependen do número de xogadores/as por equipo.
• O obxectivo do xogo é enviar o balón ao campo contrario e que bote dúas veces no chan sen que o equipo contrario poida devolvelo.
  
  • O balón pode ser golpeado con calquera parte do corpo.
  • Pode botar antes de ser golpeado.
  • Poden darse ter toques antes de que pase ao equipo contrario.
• Nun partido de Pinfuvote xogan dous equipos mixtos. Dependendo do tamaño da cancha, o número de xogadores/as por equipo varía.
  
  • Cancha de Voleibol: equipos de 4, 5 ou 6 xogadoras/es.
  • Cancha de Baloncesto: equipos de 7, 8, 9 ou 10 xogadoras/es.
  • Pistas polideportivas (40x20 metros): equipos de 11 ata 20 xogadoras/es.
• Os equipos son mixtos.
• Todos/as os/as xogadores/as poden:
  
  • sacar, respectando o seu turno;
    
  • xogar nas zonas dianteiras ou traseira.
• As cualidades máis destacadas para xogar a este deporte son lanzar, pasar e golpear.

No seguinte mapa conceptual aparecen reflectidos os valores que se fomentan coa práctica do Pinfuvote.