A cancha onde se xoga a Pinfuvote é un terreo liso e ten forma rectangular.
As dimensións son variables, dependendo do número de xogadoras/es:
- Pistas de voleibol, 18x9 metros, para equipos de 4, 5 ou 6 xogadoras/es.
- Pistas de baloncesto, 28x15 metros, para equipos de 7,8, 9 e 10 xogadoras/es.
- Pistas polideportivas, 40x20 metros, para equipos de 11 ata 20 xogadoras/es.
Non obstante, se o ximnasio ou a instalación na que ides practicar Pinfuvote non ten estas dimensións, adapta as medidas ao espazo dispoñible.
Fíxate, agora, nas seguintes características da cancha:
- Liñas: forman parte do campo.
- Hai dúas liñas laterais e dúas de fondo, que delimitan a superficie total da cancha.
- Hai unha liña central, que divide a cancha en dúas partes iguais. Na liña central está a rede.
- En cada parte da cancha hai unha liña paralela á liña central. Esta liña delimita as zonas dianteira e traseira.
- Zonas: dianteira, traseira e de saque.
- En cada lado da cancha existen dúas zonas, zona dianteira e zona traseira.
- No centro de cada lado da cancha hai un círculo que é a zona de saque. A zona de saque ten distintas medidas dependo do tipo de cancha:
- Cancha de voleibol: 1 metro de diámetro.
- Cancha de baloncesto: 1,5 metros de diámetro.
- Canchas polideportivas: 2 metros de diámetro.