5. Modo de xogo | DEPORTES NA ESCOLA: PINFUVOTE

Carmen García e Xiana Guerra. *Xogando a Pinfuvote* (CC BY-NC-SA)
Gif extraído de Departamento Educación Física IES Brión. *Xogamos ao Pinfuvote Parte 1*. Canle Youtube. (CC BY)

DURACIÓN	Xógase ao mellor de 3 ou 5 sets. Se é ao mellor de 3 sets, o partido remata cando un equipo gaña 2 sets. Se é ao mellor de 5 sets, o partido remata cando un equipo gaña 3 sets.
DURACIÓN	Un set remata canda un equipo consegue 25 puntos, cunha diferenza mínima de 2. EXCEPCIÓN: O último set ou set definitivo (para desempatar o partido) remata cando un equipo consegue 15 puntos, cunha diferenza mínima de 2.
COMEZO DO PARTIDO	Cun sorteo: Entre os/as capitáns/ás e en presenza da/o árbitra/o. Para escoller os lados da cancha e que equipo comeza sacando. O equipo que saca no 1º set tamén sacará no set definitivo.
COMEZO DO PARTIDO	Distribución das/os xogadoras/es nas zonas dianteira e traseira. Os/As capitáns/ás entregan a quen arbitra a colocación no campo. Esta colocación por zonas ten que manterse durante todo o set. Esta colocación pode cambiar nos seguintes sets.
O SAQUE	Orde no saque: Comunicada a quen arbitra polo/a capitán/á de cada equipo. Pode ser distinta para cada set.
	Dende o círculo central. Cos dous pés no chan. Sen saltar.
	O balón pode ser golpeado ou lanzado con calquera parte do corpo, sen bote ou con bote.
	Se no primeiro saque, o balón toca a rede e pasa ao campo contrario, repítese o saque (sería "media", como en Tenis).
	Despois de sacar, o/a xogador/a incorpórase á zona que lle corresponda, dianteira ou traseira.
	O saque non se pode rematar polo equipo contrario.
	O saque ten que ser directo, non pode ser tocado por ningún/ha compañeiro/a de equipo antes de que pase por riba da rede.
GAÑAR PUNTOS	Cando o balón bota dúas veces seguidas no campo do equipo contrario.
	Cando hai máis de 3 toques antes de que o balón pase ao campo contrario.
	Se un/ha xogador/a fai 2 toques seguidos.
	O balón vai fóra dos límites do campo.
	Se o balón non pasa por riba da rede.
INFRACCIÓNS (Punto para o equipo contrario e saque)	Invadir o campo contrario, por riba ou por debaixo da rede.
	Tocar a rede con calquera parte do corpo.
	Cambiarse as/os xogadoras/es de zona antes de rematar un set.
	Dirixirse irrespectuosamente a alguén do equipo contrario, do teu equipo, espectadores/as ou á/ao árbitra/o.
	Non respectar as indicacións da/o árbitra/o.