No deseño de produtos industriais é esencial ter en conta cal vai ser o uso dos mesmos e a que forzas van estar sometidos. A continuación vemos as máis habituais:

• Compresión: un obxecto sometido a dúas forzas coa mesma dirección pero de sentido contrario. Por exemplo, unha cadeira ao sentar nela.
• Rotación ou torsión: un obxecto suxeito a forzas que tenden a facelo xirar sobre si mesmo. Por exemplo, o pomo dunha porta. 
• Tracción ou estiramento: un obxecto sometido a forzas que provocan un estiramento. Se o material é elástico o obxecto recupera a súa forma orixinal. Exemplo, unha prenda de vestir.
• Flexión: cando nun obxecto actúan forzas que tende a dobralo. Ex.: un lapis cando se escribe con el, unha culler cando se emprega.
• Cizallamento: un elemento sometido a unha forza cortante, como é o caso dunhas  tesoiras.

Neste enlace podes ver un vídeo sobre as principais forzas ás que están sometidas os obxecto.

 Pancas

 Pódense distinguir varios tipos de pancas:

Pancas de primeira clase: o punto de apoio está no medio. Exemplos: unha pinzas,  tesoiras, etc.

Pancas de segunda clase: o seu punto de apoio está nun extremo e a carga no centro. Exemplos: unha carretilla, un quebranoces, etc.

Pancas de terceira clase: o punto de apoio está nun extremo e no outro a carga. Exemplos:  unha pala ou unhas pinzas de cellas.

Movementos

Moitos obxectos posúen pezas artelladas con movemento e algúns incluso basean a súa utilidade no mesmo, como pode ser o caso dun ventilador.

Os movementos básicos son os de translación, un exemplo sería un caixón, e os de rotación, como é o caso dunha billa.

No deseño do produto haberá que ter en conta o desgaste, a fatiga (proceso de fractura)  e a súa lubricación para prolongar a vida do obxecto