Grupal
Imos poñer en común cal é a nosa cor preferida para obxectos? Cal é a máis elixida?
Credes que a cor é importante no deseño industrial?
Imos poñer en común cal é a nosa cor preferida para obxectos? Cal é a máis elixida?
Credes que a cor é importante no deseño industrial?
Cor
A cor, aínda que é un elemento máis secundario no deseño industrial, é fundamental para estética do produto e, en moitos casos, é determinante para a súa compra (roupa, zapatos, mobles, etc.), sen esquecer os valores simbólicos que pode ter. (Ver Unidade 2)
Na canle Collage de ideas podes ver o significado da cores aplicado ao deseño de produto.
Textura
A textura é unha cualidade da superficie das formas que se percibe polo tacto; tamén se lle chama textura á representación visual desa cualidade que se consigue mediante o emprego de liñas e diferentes procedementos de grafismo
A representación do sentido do tacto de forma visual ten moitos significados connotativos.
Podemos distinguir varios tipos de texturas:
-Textura visual/ táctil: a primeira ten un carácter visual mentres que na segunda intervén o sentido do tacto.
Estas poden ser irregulares axudando a crear texturas máis parecidas ás orgánicas ou xeométricas baseadas nun patrón xeométrico.
- Textura natural/artificial: segundo sexa de orixe natural (unha pedra, unha pel...) ou creada.
As texturas son moi importantes tanto no deseño gráfico como no industrial. Neste último a superficie dos obxectos inflúe nas cualidades do mesmo e tamén nas sensacións que provoca.
Que cor elixirías deste bosquexo de regadeira? E que acabados e texturas aplicarías? Xustifica a túa resposta.
Licenciado baixo a Licenza Creative Commons Recoñecemento Non-comercial Compartir igual 4.0