|
Na páxina do deseñador Pepe Cortés podes ver varias fotografías do Taburete Jamaica 1991. O Taburete Jamaica é unha estrutura de aceiro cromado con asento xiratorio de aluminio ou de madeira de faia. Fai unha análise formal e funcional deste obxecto. |
|
Aspectos obrigatorios para o comentario:
|
Axuda
Estrutura formal do tallo: 5 patas cilíndricas de aceiro colocadas en forma de cono, en cuxo vértice se atopa o asento. Un aro tamén de aceiro, circunda as patas a media altura do cono reforzando a estrutura. As formas do asento e da estrutura (patas e aro) difiren entre si: as primeiras son orgánicas e as segundas claramente xeométricas.
Aspectos ergonómicos e antropométricos: asento non é plano, o aluminio (ou a madeira) cúrvanse suavemente impedindo que as incómodas arestas non se craven nas pernas e conseguindo que a parte lumbar das costas atope descanso nunha posición levemente inclinada cara atrás e que seguramente coincidirá coa angulación de 135º que se corresponde coa posición que a columna tende a adquirir en estado de ingravidez. O asento é xiratorio, permitindo que a persoa usuaria poida moverse comodamente sen facer forzosas contorsiones que puidesen provocar, algún tipo de doenza. O aro metálico, ademais de actuar como reforzo, é soporte para os pés e foi colocado tendo en conta as relacións antropométricas.
Materiais: Aceiro inoxidable (fácil limpeza, hixiénico e resistente, ideal para a estrutura); Aluminio: non forma parte da estrutura senón do conxunto que esta ha de aguantar, polo que é importante a súa lixeireza.; Madeira: fácil de limpar, material cálido e acolledor...
Esteticamente está vinculado aos movementos artísticos defensores da abstracción no deseño como De Stilj ou a Bauhaus.
O tallo conseguirá coas súas formas contemporáneas dar un aire actual ao local onde sexa colocado. É de supoñer que as persoas que se decanten por este modelo, están interesadas pola estética e pola comunicación a través do deseño. Ademais, preocúpanse pola comodidade dos seus clientes apostando por un asento con deseño ergonómico, a pesar de que, seguramente, será un modelo moito máis caro que un tallo convencional. A función simbólica desta peza está xustificada polo estilo e a calidade que achegan á súa función e aparencia
Outros aspectos para comentar: É un deseño novo? Achega algo que o diferencia substancialmente dos demais? Por que cinco patas e non tres? Por que este material e non outro? ...