No inicio de cada actividade interactiva aparece un botón de play para escoitar un audio que explica aos nenos e nenas que non saiban ler, como resolver a actividade.
Adiviña a fala dos animais
Neste xogo van escoitar un audio dun animal e deben escoller a imaxe que corresponde a ese animal. Hai animais do conto e outros que non están, pero que son habituais en Galicia.
Os talentos de Petra
É un xogo de selección múltiple: é dicir, que poden marcar como correctas varias respostas. Deben distinguir as profesións que Petra practica e as que non. As profesións de Petra son: ximnasta, modelo, pintora e música/ cantante/ artista. Para o xogo non se precisa saber ler, pois faise con imaxes e audio.
Letras viaxeiras
É un xogo de encher ocos. En cada palabra hai unha ou varias letras que non se ven e que deben completar. Como axuda, aparece unha imaxe ao lado de cada palabra.
Animais revoltos
É un vídeo interactivo no que deberán lembrar se ese animal da imaxe pertence ao conto. Na retroalimentación explícase que a ovella si pertence ao conto, aínda que non fala, porque sabemos que Petra pinta rabos de ovella.
Como fai o animaliño?
Este vídeo non é interactivo pero si conta coas pausas necesarias para darlles tempo a dicir como fai o animaliño ("O gatiño...o gatiño miaña"). Pode ser realizado cun pequeno grupo de nenos e nenas con ordenadores individuais, ou ben con toda a clase nunha única pantalla grande. O vídeo podemos paralo para ter tempo de pensar, se é preciso.