Os castros
Aldara quedou moi sorprendida coa información da guía do Castro de Besomaño, sobre todo chamoulle a atención a forma das vivendas da cultura castrexa xa que hoxe en día non se atopa en calquera lugar unha casa con forma circular. Así que decidiu informarse un pouco máis sobre esas vivendas tan peculiares.
|
|
Os castros son a primeira construción doméstica estable que aparece en Galicia e supon para á poboación ter unha vivenda fixa. Calcúlase que en Galicia podería haber miles de poboados castrexos cunha distribución xeográfica desigual polo territorio. As vivendas, situadas na croa ou parte central do castro, construíanse con pedra, sobre todo a base de lousa, xisto ou granito -dependendo da diversidade xeolóxica da zona- e tiñan unha cuberta vexetal, utilizando palla de cereais ou ramas de árbores. Nos grupos de construcións intégranse vivendas, currais, almacéns, talleres… Algunhas vivendas presentan ademais espazos engadidos a modo de vestíbulo, probablemente para uso agrícola ou doméstico. |
A luz interior chegaría por un oco na parte alta que tamén faría as funcións de cheminea para a saída do fume producido polo lume. Unha especie de lareira que se colocaba no centro da planta da casa.
A vivenda castrexa é circular con paredes de pedra e uns 5/6 metros de diámetro. Ata o contacto cos romanos mantívose esta estrutura de vivenda circular cunha lareira no centro da base. O motivo non era outro que afastar o lume todo o posible do teito, para reducir o risco de incendio.
Para abastecerse de auga adoitaba haber pozos ou mananciais no recinto do castro, ou auga procedente de regachos e ríos próximos, ademais de auga de choiva aproveitada en concavidades naturais, en alxibes de pedra ou en grandes recipientes cerámicos. No seguinte libro podedes ver máis información sobre os elementos dos castros, premendo na imaxe.
|
Premendo na imaxe accede a un pequeno texto sobre o tema, con pictogramas:
