Aldara seguía moi interesada no tema dos castros e todos os tipos de edificacións que se podían atopar neles, como se organizaban en familias, as formas das vivendas...

Xa sabía que o número de castros clasificados en Galicia superaba os 3.000, pero ese número era demasiado grande para traballar con el así que decidiu mirar un pouco máis o mapa dos castros do principio da historia e entón xurdíronlle unhas dúbidas para as que necesita da túa axuda:

• En que localidades se atopan os castros que aparecían marcados no mapa do principio da historia?
• En que provincias estarán esas localidades?
• En que provincia haberá máis castros marcados?
• Será certo que hai máis nas provincias do oeste ou non?

Para axudar a Aldara tes que completar no seu caderno as anotacións que fixo cos nomes dos castros. Busca a que provincia pertence cada un deles e escríbeo debaixo do nome do castro. Preme no caderno de Aldara para abrir o pdf editable.