2.2.2.- Cal é a súa utilidade?
Os Diagramas de Fluxo, Fluxogramas ou Diagramas de Actividades permiten a representación gráfica dun algoritmo ou procedemento . Emprégase na programación , economía , procesos industriais , psicoloxía , investigación,
Estes diagramas empregan símbolos con significados definidos que representan os pasos do algoritmo , e amosan tamén o fluxo de execución mediante conectores e frechas que ligan os puntos de partida e remate do proceso .
Vantaxes que presentan os Diagramas de Fluxo:
1
Facilitan a comprensión do proceso ao presentalo graficamente. O cerebro humano recoñece facilmente os debuxos . Un bo fluxograma pode substituír varias páxinas de texto .
2
Permite identificar problemas e oportunidades de mellora de procesos e algoritmos. Identifícanse os pasos , os fluxos , os conflitos , as responsabilidades , puntos de estrangulamento; e identifican claramente os puntos onde hai que tomar unha decisión .
3
Amosan os interfaces entre o que están no proceso e no exterior; e as transaccións realizadas no mesmo , facilitando a súa análise.
Licenciado baixo a Licenza Creative Commons Recoñecemento Compartir igual 4.0