Para engadir un obxecto con forma de corazóns que nos permita visualizar as vidas que temos en cada momento do xogo, a solución máis sinxela é a de facelo con diferentes vestimentas dun mesmo obxecto.

Coma exemplo, eleximos un corazón que está na biblioteca de figuras de Scratch que tén forma de corazón. Creamos 3 vestimentas para este corazón, coa ferramenta duplicar é moi sinxelo multiplicar os corazóns. Dámos ás vestimentas nomes significativos para que nos sexa útil á hora de programar. Nós chamámolos ''tres vidas, duas vidas e unha vida'' respectivamente.

Para programar estes corazóns abonda con fixar tamaño, unha posición e, nun bucle por sempre, incluir condicionais para que segundo o número de vidas se amose unha ou outra vestimenta.

Empregando funcións matemáticas podemos facer que a velocidade de caída dos obxectos varíe cos km gañados. Creamos unha nova variable chamada velocidade e modificamos o código dos obxectos positivos e negativos para que caian a esa velocidade en negativo.

Un exemplo bastante xogable de función matemática para a velocidade sería {[(raíz cadrada dos km)/3]+5}. Sumamos 5 porque non podemos comezar dende 0, a raíz cadrada é unha función crecente que medra con relativa suavidade, para suavizar ainda máis, dividimos por exemplo por 3 pero podes xogar con este valor. Se o valor final dos km do xogo é 770, o valor máximo desta velocidade á que caerán os obxectos con esta fórmula será {[(raíz cadrada 770)/3]+5}=14,25

Se coñecemos un pouco máis de Scratch, podemos xogar con outros activadores ou teclas e cos mensaxes para incluir pantallas incial e fin de xogo tanto se perdemos coma se gañamos.

Neste caso, debuxaríamos uns fondos a maiores para explicar ese comezo de xogo e ese fin do mesmo.

Habería que ser coidadosos e incluir modificacións no código de todos os obxectos. Por exemplo, para unha pantalla de inicio:

Se queremos incluir unha pantalla de 'Perdiches' o que debemos facer é programar unha mensaxe. Podemos arranxar fácil só tocando o programa do obxecto negativo e debuxando un novo fondo:

Por último tamén podemos facer algo parecido no caso de que queramos enfatizar a nosa chegada a Santiago.

• Cambiar o ritmo de caída de obxectos positivos e/ou negativos facendo que aumenten ao longo do tempo.
• Se a metade do camiño vemos que non chegamos coas vidas, podemos incorporar un obxecto que caia e nos sume algunha vida nova. Este obxecto pode aparecer por defecto ou só se perdiches algunha vida.
• Incorporar un bucle de música de fondo ao xogo.
• Clones de cores. Podemos xogar e engadir un efecto cor aleatorio nos nosos clons positivos e/ou negativos.
• Incorporar varias vestimentas para os obxectos positivos e/ou negativos. Así será máis variado e dará máis que pensar.
• Xogar con diferentes disfraces no Peregrino/a.
• ...
• Ou calquera mellora ou modificación que che apeteza, lembra que a imaxinación non tén límite e que aprender xogando pode ser divertido.