Versión de Scratch empregada nesta unidade
Esta unidade está creada para traballar con Scratch 2. Con algunas adaptacións é posible facer o mesmo proxecto na versión 3 de Scratch.
O xogo dos Km
Primeiros pasos do noso xogo con Scratch
Comezo do xogo. Incorporamos o noso/a peregrino/a
Comenzamos o noso proxecto programando ao noso peregrino/a. Despois de eliminar o michiño de Scratch (botón dereito sobre el eliminar) debemos debuxar ou importar o noso protagonista. Para o exemplo que guiará esta unidade, eleximos a Pelegrín, antiga mascota do Xacobeo'93. Se queres escoller a mesma, podes descargala na sección ''Recursos'' ao final do tema.
Unha vez incorporada esta imaxe, debemos darlle unhas condicións iniciais, no noso caso, facemos os pasos que podes ver na imaxe:
|
|
|
|
As condicións iniciais que vés aquí son válidas para esta imaxe de ''Pelegrín'' que podes atopar nos ''Recursos''. Para outra imaxe haberá que axustalas, podes traer a imaxe do peregrino/a que desexes e/ou adaptar o que prefiras.
A continuación amosámoste algúns dos exemplos que xurdiron na clase. Por se vos animades a debuxar tamén hai unha pequena introducción ou repaso do editor de pinturas de Scratch 2.
Galería de imaxes
Editor de pinturas de Scratch 2.
Para crear un novo obxecto en Scratch 2 podemos empregar o editor de pinturas. Nesta versión de Scratch podemos debuxar con dous métodos diferentes en forma de mapa de bits ou en forma de debuxo vectorial. O xeito de traballar e as ferramentas son diferentes. Imos intentar repasalas brevemente nesta sección.
Editor de debuxo en mapa de bits
Debuxar en mapa de bits é a forma máis sinxela para debuxar. Coas diferentes ferramentas o que imos facer é dar cor aos diferentes píxeles (pixel do inglés picture element) que son os pequenos cadradiños que compoñen unha imaxe. O debuxo en forma de mapa de bits emprégase en moitos programas de debuxo por ordenador coma o ''Paint'' ou o ''Gimp''.
Editor de debuxo vectorial
Cando debuxamos en forma vectorial, o ordenador non garda píxeles, senon nodos ou puntos notables do debuxo. É unha forma diferente de debuxar que empregan outros programas para debuxar como ''Inkscape'', é interesante porque os elementos son independentes e podes movelos en distintas capas dentro do debuxo, pola contra é moito menos intuitivo para comezar.
Licenciado baixo a Licenza Creative Commons Recoñecemento Non-comercial Compartir igual 4.0