Non todos os sistemas de comunicación inalámbrica que se empregan na MarumaSat teñen o mesmo alcance. Así, podemos recibir a información da radiosonda desde moitos quilómetros de distancia, pero a wifi da cámara de video desconéctase do teléfono móbil cando nos separamos dela uns metros.

Aprende

Se temos en conta o seu alcance, os sistemas de telecomunicacións inalámbricos, poden clasificarse en:

WPAN

O seu acrónimo significa redes inalambricas de área persoal (wireless personal area networks). Estas redes presentan unha importante limitación de alcance: os dispositivos deben estar pouco separados. As tecnoloxías WPAN máis empregadas son:

Bluetooth	DECT	NFC

Bluetooth. Jnmasek. Commons Wikimedia. CC0 1.0	DECT. Tiptel. Flirck. CC BY-ND 2.0	Payment System. Kalhh. Pixabay. CC0 1.0
Permite conectar pequenos dispositivos electrónicos que non poden estar separados moito máis de 10 m. Funciona na banda dos 2,4 GHz (microondas).	É a tecnoloxía empregada polos teléfonos inalámbricos, que operan a unha distancia non superior a 50 m e a unha frecuencia de 1,8-1,9 GHz (microondas).	Só permite a transmisión entre dispositivos que están a menos de 20 cm. É un sistema que empregan algúns teléfonos móbiles e tamén as tarxetas de pago sen contacto (contact less) que operan na banda dos 13,56 MHz (radiofrecuencia).

WLAN

As wireless local area networks ou redes inalámbricas de área local presentan unha cobertura xeográfica limitada e comunícanse basicamente mediante microondas. As tecnoloxías WLAN máis usadas son as diferentes variantes do estándar IEEE 802.11 ou WIFI (nome comercial), que emprega frecuencias de 2,4 ou 5 GHz (microondas).
	Logo WIFI. Wikipedia. CC0 1.0

WWAN

As redes de área estendida inalámbrica (wireless wide area networks), permiten a conexión de redes e usuarios de zonas xeograficamente distantes para o que poden empregar dúas tecnoloxías: radioenlace ou satélite. Tamén podemos diferenciar dous tipos:

WWAN móbiles: o terminal que envía e/ou recibe a información está en movemento. Son as que viven unha evolución e unha expansión máis espectacular na actualidade e inclúen o sistema de comunicación inalámbrico máis empregado: a telefonía móbil cuxa banda de frecuencias depende da tecnoloxía empregada, a 4G a máis habitual na actualidade opera a 800 MHz (radiofrecuencia); 1,5 ou 1,8 ou 2,6 GHz (microondas).

WWAN fixas: o terminal que envía recibe a información está quieto, como na televisión por satélite. A banda de frecuencias de funcionamento toma valores fixos entre 1,5 GHz e 31 GHz (microondas).