Esta é unha interpretación directa do dato, xa que a frecuencia expresa, precisamente, o número de ciclos que realiza a onda nun segundo. Basta polo tanto recordar que o prefixo M (mega) diante dunha unidade está indicando 10⁶. 

O periodo é a magnitude inversa da frecuencia. Se esta expresa o número de ciclos que se realizan nun segundo, o periodo indica o tempo que tarda a onda en realizar un ciclo completo. Se realizamos o cálculo tendo en conta o valor do prefixo Mega na frecuencia obtemos o valor de 2,5·10^-9 s ou o que é o mesmo, 2,5 ns. Lembra que o prefixo n (nano) indica 10^-9.

A lonxitude de onda calcúlase dividindo o valor da velocidade de propagación da luz no baleiro (3·10⁸ m/s) entre o valor da frecuencia. De novo hai que ter en conta o valor do prefixo Mega ao facer este cálculo.