Física e Química 2ºESO: OD16. As estrelas

Conxunto de 25 ODs de Física e Química de 2º ESO relacionados con contidos de matemáticas e bioloxía do mesmo curso, con actividades en galego e inglés e sobre mulleres científicas.

OD16. As estrelas

Obxectivos

•     Aprender que son as estrelas e os seus tipos
•     Entender a evolución dunha estrela como o Sol
•     Saber calcular volumes dalgúns corpos xeométricos
•     Saber empregar a notación científica
•     Coñecer o proceso de fusión nuclear
•     Coñecer a principal aportación da astrónoma Henrietta Swan Leavitt
•     Realizar unha observación astronómica sinxela
•     Coñecer as unidades máis comúns para medir distancias estelares

Breve resumo

Nesta unidade afondamos no coñecemento das estrelas, que nos libros de texto son descritas moi brevemente. Coñeceremos o proceso de fusión nuclear que ocorre nelas, a evolución dunha estrela do tipo do Sol e a clasificación delas. Como as estrelas presentan forma esférica estudaremos os volumes dos corpos de revolución. Dadas as enormes distancias estelares estudaremos a notación científica para cantidades grandes e as unidades máis comúns para medir estas distancias tan enormes. Este pódese considerar un tema de ampliación do de forzas na natureza.