PRÁCTICA CASEIRA
Observación da constelación de Orión
Esta constelación pódese localizar doadamente en inverno a simple vista. A súa forma asóciase ó arqueiro mitolóxico chamado Orión. Cuns prismáticos de 10x50 podemos observar estrelas moi interesantes:
No pé esquerdo do arqueiro temos a estrela Rigel, a máis brillante da constelación. Trátase dun sistema estelar triple cuia componente principal é unha superxigante branco-azulada con 18 masas solares.
No ombreiro dereito localízase Betelgeuse, unha superxigante vermella de gran tamano cun diámetro 887 veces máis grande co Sol. Pronto vai estoupar como supernova (tanto pode ser agora coma dentro de mil anos).
No cinturón de Orión temos tres estrelas distantes (entre 700 e 1350 anos luz). As tres son novas e luminosas. Alnilam é unha superxigante, Alnitak é un sistema triple cunha superxigante azul e Mintaka é un sistema de dous binarias cuia máis brillante é unha xigante luminosa azul.
Baixo ó cinturón, ó sur, destaca a Nebulosa de Orión, a 1270 anos luz da Terra.
Foto: pixabay