Física e Química 2ºESO: OD10. Os metais

Conxunto de 25 ODs de Física e Química de 2º ESO relacionados con contidos de matemáticas e bioloxía do mesmo curso, con actividades en galego e inglés e sobre mulleres científicas.

OD10. Os metais

Obxectivos

    • Distinguir entre diferentes tipos de metais
    • Coñecer as propiedades dos metais
    • Entender a estrutura atómica cristalina dos metais
    • Coñecer os principais metais con importancia biolóxica
    • Coñecer e valorar o traballo da química Ida Noddack
    • Saber calcular volumes de cubos, prismas e pirámides
    • Coñecer a importancia dalgúns metais raros nas novas tecnoloxías
    • Saber cómo se obtén algún metal do seu mineral corespondente
    • Distinguir os metais ferromagnéticos e as súas propiedades
    • Comprender a forza magnética e a súa importancia para a vida polo campo magnético da Terra
    • Coñecer a importancia das disolucións de metais ou aleacións

Breve resumo

A meirande parte dos elementos da táboa periódica son metais. É importante coñecer as súas propiedades e estrutura, que é cristalina, poliédrica. Aquí introducimos o cálculo de volumes de corpos xeométricos como prismas, cubos e pirámides. Tamén falamos do importante papel dos metais nos seres vivos e dos metais raros nas novas tecnoloxías e as propiedades das aleacións. Falamos da química Ida Noddack, que descubriu un metal de transición e vemos un vídeo da Royal Society británica no que se obtén cobre a partir de malaquita. Coñecemos os metais con propiedades magnéticas e as características desta forza que a través do campo magnético da Terra protexe a vida.