1. Distinguir entre os diferentes tipos de metais
2. Coñecer as propiedades dos metais
3. Entender a estructura atómica cristalina dos metais
4. Coñecer os principais metais con importancia biolóxica
5. Coñecer e valorar o traballo da química Ida Noddack
6. Saber calcular volumes de cubos, prismas e pirámides
7. Coñecer a importancia dalgúns metais raros nas novas tecnoloxías
8. Saber como se obtén algún metal do seu mineral correspondente
9. Distinguir os metais ferromagnéticos e as súas propiedades
10. Comprender a forza magnética e a súa importancia para a vida polo campo magnético da Terra.
11. Coñecer a importancia das disolucións de metais ou aleacións

A meirande parte dos elementos da táboa periódica son metais. Podemos distinguir vaios grupos principais:

GRUPO 1 METAIS ALCALINOS (vermello oscuro): son brandos, moi reactivos coa auga en estado puro e tenden a perder un electrón e dar catións cunha carga positiva: Li⁺, Na⁺...

GRUPO 2 METAIS ALCALINO-TÉRREOS (vermello claro): tamén son brandos e reactivos coa auga en estado puro. Tenden a perder dous electróns e a dar catións con dúas cargas positivas: Mg²⁺, Ca²⁺...

METAIS DE TRANSICIÓN (laranxa): son dez grupos, do 3 ó 12. Teñen unha química complexa e variada, con moitas propiedades interesantes.

TERRAS RARAS: aparecen nun aparte baixo a táboa periódica. Son os lantánidos (azul moi oscuro) e os actínidos (azul intermedio). Teñen grandes aplicacións nas novas tecnoloxías e moitos son radiactivos.