ODE 2: School Is Cool! (Hello, Email Pals!)

Hello, Email Pals! ofrece actividades comunicativas en lingua inglesa orientadas a 4º de Primaria e baseadas no intercambio de emails, audios e vídeos con dous alumnos dun centro educativo británico. As distintas tarefas propostas requiren a utilización da linguaxe oral e escrita e o uso de recursos e estratexias de comunicación, lingüísticas e non lingüísticas, ao tempo que contribúen ao desenvolvemento de actitudes positivas e receptivas cara á lingua e cultura anglófona.

O ODE 2, titulado School Is Cool! persegue que o alumnado describa tanto o seu colexio, detallando materias, lugares e actividades, como as súas rutinas escolares especificando a hora. Así mesmo, ten como obxectivo que comparen os centros docentes británicos cos da súa contorna.