El lado dulce de la química

Esta é a unidade 2 dun conxunto de catro ODE que forman o proxecto Baixo a lupa da ciencia. A súa secuencia de materiais está deseñada para desenvolver contidos da materia de física e química, dirixidos principalmente para o nivel de 4º ESO.

Os contidos deste ODE están estruturados en torno á temática da interpretación do etiquetado nutricional dos produtos alimenticios, poñendo particular atención a compoñentes tales como o azucre e algúns aditivos. Arredor desta temática desenvólvense, de xeito integral e coherente, contidos do currículo variados que na secuenciación tradicional da materia forman parte de unidades didácticas diferentes. Preténdese con este ODE tanto a aprendizaxe de contidos de carácter académico como propiciar hábitos saudables de alimentación e de consumo responsable.

Os contidos traballados son:

- Mol.

- Cálculo e expresión de concentracións.

- Nomenclatura e formulación de compostos orgánicos.

- A enerxía e as súas unidades.

- Valoración da cultura científica e da contribución dalgunhas figuras científicas.

- Elaboración dun proxecto en grupos.