Europ

A Primeira Guerra Mundial (1914-1918) foi un conflito devastador que acabou por transformar profundamente a orde mundial. Supuxo unha traxedia humana sen precedentes, marcou o remate dunha etapa histórica e puxo os alicerces para novos enfrontamentos no futuro. O seu estudo convida a reflexionar sobre a fraxilidade da paz e a necesidade de preservala.

Liberté, égalité, diversité et inclusion organízase en cinco unidades didácticas que permiten practicar a comprensión, a mediación e a produción orais e escritas en lingua francesa a partir da vida e da obra de persoas francófonas con diversidade funcional, e que son exemplos de inclusión nos seus ámbitos vitais e profesionais.

Esta proposta ten como obxectivo principal acercar e desmitificar ó alumnado os procesos do funcionamento interno da IA, dun xeito intuitivo e práctico. Partindo dun paralelismo entre pensamento humano e pensamento da máquina, iranse realizando actividades que introducirán os conceptos básicos subxacentes á IA (datos, tipos de algoritmos, tipos de aprendizaxe, modelos, o etc) . Realizarase unha reflexión transversal sobre o uso e limitacións desta tecnoloxía.

Esta proposta ten como obxectivo principal acercar ó alumnado a programación, dun xeito intuitivo e práctico. Partindo  das funcións de entrada/saída, iranse realizando actividades que introducirán as estruturas básicas (condicionais e bucles) e os conceptos asociados á programación por obxectos (clases, métodos, obxectos) . Realizarase un acercamento ó concepto e uso de librerías.

Esta proposta ten como obxectivo principal acercar e desmitificar ó alumnado os procesos de deseño interno da IA, dun xeito intuitivo e práctico. Partindo dunhas bases de programación en Python, iranse realizando actividades, para introducir as librerías que implementan os algoritmos e conceptos básicos subxacentes á IA ( Regresión, Clustering, Clasificación, etc) . Realizarase unha reflexión transversal sobre o uso e limitacións desta tecnoloxía.

Esta proposta ten como obxectivo principal acercar e desmitificar ó alumnado os procesos de deseño e implementación dun modelo de IA, dun xeito intuitivo e práctico. Partindo da obtención, procesamento e visualización de datos, crearase e adestrarase un modelo de IA,  analizando resultados e reflexionando sobre a súa optimización. Realizarase unha reflexión transversal sobre o uso e limitacións desta tecnoloxía

"Menos é máis" propón unha aproximación crítica e creativa ao mundo da publicidade. Partindo da análise de anuncios reais e da observación do uso social da linguaxe, o alumnado descubrirá como os discursos publicitarios inflúen nas nosas emocións, valores e formas de pensar. A través de actividades motivadoras —como a análise de carteis, xogos léxicos ou a creación de campañas propias— traballarase a linguaxe persuasiva, o poder das imaxes e a función dos neoloxismos na sociedade actual.

"Mover os marcos" busca preparar as persoas estudantes para a súa inserción no mundo laboral desde unha perspectiva comunicativa e activa. 

A través da elaboración de documentos clave como o CV, a carta de presentación,  o correo electrónico formal ou a entrevista de traballo desenvolveranse tamén competencias transversais como a expresión oral, a capacidade de argumentación, a autocoñecemento e a sensibilización co patrimonio cultural. 

Todos os días recibimos información: nas redes, na tele, no móbil, nas conversas da clase... pero sabemos quen está detrás do que lemos ou escoitamos? Podemos fiarnos de todo o que circula nos medios de comunicación?

En "O mellor de cada casa" imos poñerlle voz a esas mulleres que fixeron cousas importantes… pero que foron esquecidas. E imos facelo como se fai no xornalismo: investigando, escribindo, entrevistando e compartindo a información.