Sumérgete en la física

Esta é a unidade 3 dun conxunto de catro ODE que forman o proxecto Baixo a lupa da ciencia. A súa secuencia de materiais está deseñada para desenvolver contidos da materia de física e química, dirixidos principalmente para o nivel de 4º ESO.

Os contidos deste ODE están estruturados en torno á temática da física na auga, exemplificados mediante o mergullo e outras actividades acuáticas. Traballaranse contidos do currículo como as forzas e a presión nos fluídos e, nun segundo plano, conceptos das leis dos gases, como a lei de Boyle-Mariotte, e a valoración da ciencia como motor de avance en campos como o deporte. Os contidos preséntanse de maneira teórica e aplicada, con casos de estudo de situacións reais, actividades manipulables e prácticas de laboratorio. Preténdese con este ODE tanto a aprendizaxe de contidos curriculares como a aprendizaxe de destrezas de traballo transversais, tales como a planificación e o traballo en equipo, polo que se propón un proxecto de investigación relacionado coa presión nos fluidos.

Os contidos traballados son:

- A presión e as súas unidades.

- A presión atmosférica.

- A presión hidrostática.

- O principio fundamental da hidrostática e o principio dos vasos comunicantes.

- A flotabilidade e a forza de pulo.

- As tres leis dos gases, particularmente a lei de Boyle-Mariotte.

- Valoración do papel da ciencia en campos como o deporte.

- Valoración da contribución dalgunhas figuras científicas á sociedade.

- Elaboración dun proxecto en grupo.