Para salvares Aldea Vella non abonda con coñecer a súa memoria; tamén ti tes que refrescar algúns coñecementos básicos para poder avanzar no reto. Nesta fase volverás repasar ideas importantes, traballadas nos cursos pasados, sobre as formas do relevo da terra, as características e a distribución da poboación, a orixe e a evolución das cidades, as desigualdades sociais, a importancia da cooperación e que é iso da Axenda 2030.

A protección da nosa aldea será posible se coidamos os "5 P(iares)" da Axenda 2030: Alianzas (asociacións), Paz, Persoas, Planeta e Prosperidade.

As fontes xeográficas, a cartografía, os gráficos e as medicións serán as nosas aliadas nesta viaxe ao pasado.

Todo isto axudarache a comprender mellor que está a pasar na aldea e que pode estar en risco.

Sen présa, sen pausa... mais sempre avanzando e implicándonos! Imos aló!