Definición:
Aspecto exterior.
Exemplo:
A aparencia do doce era moi boa, pero estaba moi salgado.
Definición:
Recorrente, que acontece con frecuencia.
Exemplo:
Vai ao ximnasio con asiduidade para manterse en boa condición física.
Definición:
Verme de cor rosada que vive en terreos húmidos.
Exemplo:
Na horta había moitas miñocas debaixo da terra.
Sigue avanzando!
Decátaste de que unha mesma obra de arte fai xurdir emocións diferentes segundo cada persoa?
Isto mesmo pode pasar coa percepción que temos de nós mesmos e a que teñen os demais.
Falando dun mesmo, hai dous termos que debemos ter claros e que en moitos casos se empregan como sinónimos: o autoconcepto e a autoestima.
Ambas as palabras comezan co prefixo "auto", que fai referencia a un mesmo, pero a terminación é completamente diferente:
Falando dun mesmo, hai dúas palabras importantes: autoconcepto e autoestima.
As dúas palabras comezan con "auto".
"Auto" significa sobre un mesmo.
Autoconcepto é o concepto que unha persoa ten sobre si mesma.
É a descrición de como é a persoa.
Autoestima é a valoración que a persoa fai do seu autoconcepto.
A valoración pode ser positiva ou negativa.
No teu caderno escribe tres adxectivos que ilustren como es ti, relacionados co ámbito psicolóxico, é dicir, relacionados coa túa personalidade e carácter (tímido/a, atrevido/a, interesante...). Unha vez rematado, escribe tres logros que alcanzaras ata o momento.
Finalizada a tarefa, lellos ao teu grupo. Como te sentiches ao facelo?
Escribe no teu caderno 3 adxectivos da túa personalidade e carácter.
Podes usar exemplos como tímido ou tímida, ou interesante entre outros.
Despois escribe 3 logros que alcanzaches ata agora.
Logo le o texto ao teu grupo.
Comenta como te sentes ao ler o que escribiches.
Desde que nos levantamos pasamos o día tomando decisións que van marcando a nosa vida. Decidir implica escoller entre dúas ou máis opcións. Hai decisións que nos resultan fáciles de tomar, pero hai outras que poñen en conflito os nosos principios e cústanos elixir unha solución "correcta".
Sigamos definindo aquilo que nos fai únicos/as e diferentes. Ponte a proba para coñecerte máis. Por que opción te decantarías?
Escribe no teu caderno a resposta a cada pregunta, así como o motivo desa elección.
Posteriormente, de maneira oral, analizaremos as respostas con todo o alumnado da aula.
Desde que te levantas tomas decisións durante o día.
As decisións marcan a túa vida.
Decidir é escoller entre 2 ou máis opcións.
Algunhas decisións son fáciles de tomar.
Outras decisións son difíciles.
Ás veces as decisións crean un conflito cos teus valores.
Neses momentos custa elixir unha opción.
Agora imos poñerte a proba.
Pensa ben en cada situación.
Se compras o agasallo quedas sen cartos para todo o mes.
Que fas nesa situación?
O curso gústache moito.
A túa familia recomenda outro curso con máis futuro.
Que curso escolles?
Podes dicirllo á persoa docente.
Tamén podes non contar nada.
Que fas nesa situación?
Agora escribe no teu caderno a resposta de cada pregunta.
Tamén escribe o motivo da túa elección.
Despois falaremos das respostas na aula.
Este tipo de situacións é o que se denomina un dilema moral.
Un exemplo moi coñecido de dilema moral é o seguinte.
Un tranvía vai sen control por unha vía onde hai cinco persoas atadas. Afortunadamente, existe unha panca que permite cambiar o tranvía a unha vía secundaria, pero hai unha persoa atada nesa. Que decisión debería tomarse?
Intenta resolver o dilema seguindo os pasos que aparecen no modelo do documento adxunto. Ao final atoparás un exemplo de resolución.
» Modelo resolución dilema moral.odt (editable).
» Modelo resolución dilema moral.pdf (nova xanela).
Este tipo de situacións chámase dilema moral.
Un dilema moral é unha situación difícil.
Nun dilema moral tes que tomar unha decisión.
A decisión afecta a valores importantes.
Non existe unha opción correcta clara.
Todas as opcións teñen consecuencias.
Cada opción afecta a un valor moral.
O importante é explicar por que escolles unha opción.
Para resolver un dilema necesitas reflexionar.
Tes que pensar nos teus valores persoais.
Tes que pensar na importancia de cada valor para ti.
Agora le este exemplo de dilema moral.
Un tranvía vai sen control por unha vía.
Na vía hai 5 persoas atadas.
Existe unha panca que cambia o tranvía para outra vía.
Na outra vía hai unha persoa atada.
Tes que decidir que facer.
Resolve o dilema seguindo os pasos do modelo.
Os pasos aparecen no documento adxunto.
Ao final do documento hai un exemplo de resolución.
O compoñente emocional está intimamente ligado ao ser humano. Tendo en conta todo o traballado ata o momento, imos facer un debate sobre as emocións e os robots.
Antes, visualiza este vídeo co fin de poñerte en situación.
"O tigre, o león e a pantera son animais inofensivos, en cambio, as galiñas, os patos e as ocas son tremendamente perigosos". Explicáballe a miñoca aos seus fillos.
Reflexiona sobre o que acabas de ler e responde as seguintes cuestións:
Licenciado baixo a Licenza Creative Commons Atribución Non-comercial Compartir igual 4.0