Estudo de caso

Na vindeira estación de traballo, entrarás en contacto co departamento de epidemioloxía. A epidemioloxía estuda a incidencia de diferentes enfermidades nunha poboación.

Antes de rotar á seguinte estación de traballo, aplica os coñecementos de microbioloxía para analizar e interpretar a seguinte información en forma de gráfico.

Nesta actividade empregaremos datos da OMS do ano comparando a evolución das principais enfermidades causantes da mortalidade en países de baixos ingresos económicos.

Analiza o gráfico, compara a evolución de cada enfermidade e responde ás seguintes preguntas.

Gráfico que compara as principais causas de mortalidade — OMS. Global Health Estimates.. *Principais causas de defunción en países de baixos ingresos* (Dominio público)

Retroalimentación

Cuestión 1. Clasifica as enfermidades que aparecen neste gráfico segundo sexan infecciosas ou non infecciosas. Que tipo de enfermidades predominan nos países de baixos ingresos económicos?

Cuestión 2. Clasifica as enfermidades non infecciosas segundo sexa dexenerativas, alérxicas, traumáticas, etc. Existe algún tipo de enfermidade non infecciosa que predomine?

Cuestión 3. Para cada unha das enfermidades infecciosas que aparecen no gráfico, indica o tipo de axente patóxeno que a causa (virus, bacteria, prión, fungo, etc).

Cuestión 4. Analiza a evolución das enfermidades dende o 2000 ata o 2019. Que enfermidades reduciron a súa incidencia nestes anos? Trátase de enfermidades infecciosas ou non infecciosas? Cal cres que é a causa desta diminución?

Cuestión 5. Cal á enfermidade infecciosa con maior número de defuncións no ano 2019?

Cuestión 6. Cal é a enfermidade non infecciosa con maior número de defuncións no ano 2019?

Cuestión 7. Analiza as enfermidades que reduciron o número de defuncións desde o ano 2000 ata o 2019. Cal é a enfermidade que reduciu en maior grado a súa incidencia?

Cuestión 8. Analiza as enfermidades que aumentaron o número de defuncións desde o ano 2000 ata o 2019. Cal é a enfermidade que aumentou en maior grado a súa incidencia?

Cuestión 9. Propón medidas que poderían aplicarse para reducir as enfermidades que causan a maior mortalidade no ano 2019.

Retroalimentación

Cuestión 1.

Enfermidades non infecciosas: afeccións neonatais (1), cardiopatía isquémica (3), accidente cerebrovascular (4), lesións por accidentes de tráfico (7), cirrose hepática (10)

Enfermidades infecciosas: infeccións das vías respiratorias inferiores (2), enfermidades diarreicas (5), paludismo (6), tuberculose (8), VIH/Sida (9).

Cuestión 2.

afeccións neonatais (1): enfermidade traumática (asfixia, traumatismo, etc)

cardiopatía isquémica (3): enfermidade do sistema cardiovascular

accidente cerebrovascular (4): enfermidade do sistema cardiovascular

lesións por accidentes de tráfico (7): enfermidade traumática.

cirrose hepática (10): enfermidade do sistema dixestivo.

Destas enfermidades, as mais numerosas son as enfermidades do sistema cardiovascular.

Cuestión 3.

infeccións das vías respiratorias inferiores (2), producidas por bacterias ou virus.

enfermidades diarreicas (5), producidas por bacterias

paludismo (6), producido por un parásito.

tuberculose (8), producida por unha bacteria.

VIH/Sida (9), producido por un virus.

Cuestión 4.

As enfermidades que reduciron a súa incidencia desde o 2000 ata o 2019 foron as afeccións neonatais, as infección das vías respiratorias inferiores, as enfermidades diarreicas, o paludismo, a tuberculose e o VIH/Sida.

A maioría delas son enfermidades infecciosas.

A causa desta diminución pode ser a mellora no sistema sanitario deses países, as campañas de vacinación, a mellora nos sistemas de calidade da auga, etc.

Cuestión 5.

A enfermidade infecciosa con maior número de defuncións no 2019 é a infección das vías respiratorias inferiores, con máis de 400.000 defuncións.

Cuestión 6.

A enfermidade non infecciosa con maior número de defuncións no ano 2019 foron as afeccións neonatais, con mais de 500.000 defuncións.

Cuestión 7.

As enfermidades que reduciron en maior grao a súa incidencia desde o 2000 ata o 2019 foron as enfermidades diarreicas e o VIH/Sida. Reduciron o número de defuncións en mais de 200.000.

Cuestión 8.

A enfermidade que aumentou en maior grao a súa incidencia foi a cardiopatía isquémica.

Cuestión 9.

As enfermidades con maior mortalidade no ano 2019 son as afeccións neonatais e as infeccións das vías respiratorias inferiores, seguidas das enfermidades do sistemas cardiovascular (isquemia e accidente cerebrovascular).

Para reducir esta mortalidade é importante dispoñer dun servizo de saúde público e accesible á poboación. Aumentar o número de matronas e mellorar a súa formación.

Facilitar información para a prevención de riscos e medidas de protección á poboación, relacioada coas infeccións respiratorias.

Fomentar os hábitos saudables relacionados coa alimentación e a práctica do deporte, para reducir a incidencia das enfermidades do sistema cardiovascular.