As Enfermidades Non Infecciosas
As enfermidades non infecciosas non son causadas por xermes, senón por outras razóns como o avellentamento, accidentes, problemas xenéticos, malos hábitos de vida, etc. Estas enfermidades non se transmiten de persoa a persoa. Aquí explicamos os diferentes tipos de enfermidades non infecciosas.

Tipos de Enfermidades Non Infecciosas
1. Xenéticas

Son hereditarias e están determinadas polos xenes.
Exemplos: Hemofilia, fibrose quística.

2. Nutricionais

Causadas por malos hábitos alimentarios ou falta de nutrientes.
Exemplos: Obesidade, raquitismo, anorexia.

3. Dexenerativas

Relacionadas co envellecemento e o deterioro dos tecidos e órganos.
Exemplos: Artrite, alzheimer, osteoporose.

4. Autoinmunes

O sistema inmunitario ataca os propios tecidos ou non actúa correctamente.
Exemplos: Esclerose múltiple, esclerose lateral amiotrófica, artrite reumatoide.

5. Alérxicas

O sistema inmunitario reacciona de forma excesiva ante substancias inofensivas.
Exemplos: Celiaquía, alerxia á proteína do ovo.

6. Endócrinas ou Metabólicas

Problemas nos órganos que producen ou responden a hormonas, ou fallos nas reaccións químicas das células.
Exemplos: Diabete, hipotiroidismo, hipertiroidismo.

7. Traumáticas

Causadas por golpes ou feridas.
Exemplos: Fracturas, queimaduras, contusións, fisuras, intoxicacións.

8. Tumorais ou Neoplásicas

Crecemento descontrolado dun grupo de células (tumor) que pode invadir outros tecidos (metástase).
Exemplos: Cancro de pulmón, cancro de mama.

9. Trastornos Mentais

Alteracións do pensamento, comportamento ou emocións.
Exemplos: Depresión, esquizofrenia, ansiedade.

10. Enfermidades que Afectan a Sistemas Específicos

Afectan de forma específica a un sistema do corpo (cardiovascular, dixestivo, etc.).

11. Por Exposición a Riscos Ambientais ou Laborais

Dependen dos riscos aos que se está exposto.
Exemplos: Asbestose por amianto, bursite por cargar pesos excesivos