Estudo de caso

No departamento de Microbioloxía no que te atopas acabas de recibir información actualizada coa evolución do número de casos da enfermidade de VirusaX, producida polo virus H1N4 nunha pequena localidade do interior de Galicia, de menos de 15.000 habitantes.

Obxectivo
Aplicar conceptos matemáticos como porcentaxes, gráficos de barras e medias aritméticas á análise de datos epidemiolóxicos sobre a incidencia dunha enfermidade.

Introdución
Nunha comunidade, fixeron un seguimento dos casos dunha enfermidade infecciosa durante 8 semanas.

Rexistraron cantas persoas se contaxiaron cada semana.

Queremos analizar estes datos para entender como se espallou a enfermidade.

Datos
Aquí están os datos recollidos:

Semana	1	2	3	4	5	6	7	8
Novos casos	15	22	19	25	30	28	35	40

Accede ás seccións de traballo e responde ás preguntas.

Retroalimentación

Sección A. Cálculo de valores estatísticos.

Cuestión 1. Calcula o número total de casos nestas 8 semanas.

Cuestión 2. Calcula a media do número de casos por semana.

Cuestión 3. Calcula a porcentaxe de casos na semana 4 respecto do total de casos.

Sección B. Representación gráfica, análise e discusión de resultados.

Cuestión 1. Debuxa nun gráfico de barras os datos da incidencia por semanas. Representa no eixo X o número de semanas e no eixo Y os novos casos.

Cuestión 2. Observa o gráfico e describe como cambiaron os casos ao longo das semanas. Cres que aumentaron, diminuíron ou se mantiveron iguais?

Cuestión 3. Baseándote na tendencia observada, suxire dúas medidas que poderían tomarse para reducir a propagación da enfermidade na comunidade.

Retroalimentación

Podes consultar fontes de información de organizacións de saúde recoñecidas. Aquí tes algunhas recomendacións:

Organización Mundial da Saúde (OMS):

A OMS proporciona directrices e recomendacións sobre medidas de control e prevención de enfermidades infecciosas.

Centro para o Control e a Prevención de Enfermidades (CDC):

O CDC ofrece información detallada sobre como previr e controlar a propagación de enfermidades infecciosas, incluíndo protocolos de distanciamento social e hixiene.

Ministerio de Sanidade, Consumo e Benestar Social (España):

O Ministerio de Sanidade en España proporciona información e recomendacións específicas para o control de enfermidades infecciosas no territorio español.

Sociedade Española de Enfermedades Infecciosas y Microbiología Clínica (SEIMC):

A SEIMC ofrece guías e documentos técnicos sobre a prevención e o tratamento de enfermidades infecciosas.

Retroalimentación

Sección A. Cálculo de estatísticas
Cuestión 1. Número total de casos. Suma o número total de novos casos nas 8 semanas.
Total de casos=15+22+19+25+30+28+35+40 = 214

Cuestión 2. Media de novos casos por semana. Divide o número total de casos entre 8 (o número de semanas).
Media=Total de casos/8

Cuestión 3. Calcula a porcentaxe de casos na semana 4 respecto ao total de casos.

\(\frac{25}{214}·100\simeq 11,68\)

A porcentaxe de casos na cuarta semana é de 11,68%

Sección B. Representación gráfica, análise e discusión de resultados.

Cuestión 1. Gráfico de barras.

Gráfico de barras elaborado con folla de cálculo — Gemma CR. *Gráfico realizado con folla de cálculo. Elaboración propia.* (Dominio público)

Cuestión 2. Os casos da enfermidade mostran unha tendencia ascendente a medida que pasan as semanas

Cuestión 3.

Campañas de hixiene: Fomentar o lavado frecuente de mans, e medidas de hixiene adecuada ante esbirroso u tos.

Campañas de vixilancia da saúde e investigación: seguimento do número de casos e estudo das características do novo virus.